SALON INTERNATIONAL DE L'HABITAT

handray anjara amin'ny Salon International de l'habitat karakarain'ny Madavision. Raha tsiahivina dia ny 23 ka hatramin'ny 26 Oktobra ho avy izao no hanatanterahana ny hetsika eny amin'ny efitrano fandraisana fivoriambe iraisam-pirenena eny Ivato. Tanjon'ny mpikarakara raha araka ny fanazavan-dRandrianasolo Hery, tompon'andraikitra ara-barotra eny anivon'ny Madavision ny hanalana fahasahiranana ny mpanjifa amin'ny alalan'ny famondronana amina toerana iray ireo misehatra amin'ny tontolon'ny asa fanamboaran-trano. Hahatratra hatrany amin'ny 400 isa ireo trano eva handray anjara amin'izany raha miisa 20.000 kosa ireo mpitsidika andrasana. Hampiavaka ny hetsika ny fisian'ireo tera-tany vahiny ho avy handray anjara. Ankoatra ny fitadiavana lalam-barotra eto Madagasikara mantsy dia maro amin'izy ireny ihany koa no maniry hifanakalo traikefa amin'ireo mpandraharaha mitovy aminy eto an-toerana. Marihina fa hotanterahina miaraka amin'ity Salon momba ny tontolon'ny asa fanamboarana sy fikarakarana ny trano ity ihany koa ny destockage pro izay ahitana fihenam-bidy hatrany amin'ny 50%.
Pati
Légende : Hery Randrianasolo, tompon'andraikitra ara-barotra eo anivon'ny Madavision !