Tetikasa ODOF

tetik'asa fanokafana indostria eny ifotony ODOF (One District One Factory) na Taniketsa Indostrialy dia fantatra ankehitriny fa tsy mandeha ny 70% tamin'ireo milina efa napetraka. Anisany nivoitra io raha namaly ny fanontanian'ireo solombavambahoaka ny Minisitry ny Fampiroboroboana ny Indostria sy ny Fampivelarana ny Sehatra tsy Miankina, Raharimanjato Ny Riana Nampoina, nandritra ny fihaonana teny amin'ny Lapan'ny Antenimierampirenena teny Tsimbazaza, ny Talata 09 jona 2026. Nambaran'ny Minisitra fa tetikasam-panjakana efa miparitraka eny anivon'ny Distrika maro ny ODOF. "Mahatratra 89 ankehitriny ny milina efa nozaraina, 30% no mandeha tsara ary ny 70% kosa tsy mandeha noho ny olana samihafa", hoy izy. Nambarany fa efa misy ny asa ho fanarenana izany mba hanampiana ny famokarana sy ny fanodinana ny vokatra mampiavaka ny Distrika tsirairay. Tsiahivina fa tamin'ny volana May 2021 no nisantarana ny fanombohan'ity tetikasa ODOF ity tany Ihosy.
Jean D.
Tetikasa ODOF manodina voatabia ho ketchup ao Ambatondrazaka