Trafikana harena voajanahary

Voasambotra teny amin’ny seranam-piaramanidina iraisam-pirenena Ivato omaly raha saika hiondrana ho any ivelany ny lehilahy teratany Malagasy iray anisan’ny mpitarika ny tambazotran-jiolahy mpitrandraka sy mpanondrana an-tsokosoko harena voajanahary, anisan’izany ny sokatra, ary tafiditra anaty raharaha famontsiam-bola sy kolikoly. Efa ela no nikarohana ity lehilahy ity noho izy tafiditra amina raharaha fandikan-dalàna maro mahakasika fitrandrahana an-tsokosoko sokatra sy harena voajanahary hafa. Efa nandalo fitsarana avokoa ireo raharaha ireo ary voatonona ao anatin’ireo raharaha ireo avokoa ity lehilahy voasambotra ity.
Nangonin'i Jean D.

Voasambotra teny Ivato raha saika hiondrana ho any ivelany ity jiolahy ity