Politique

 izay notanterahina tao amin'ny Kianja Alarobia sy Kianja Maki Andohatapenaka. Niditra an-tsehatra nanao izany ny Filoham-pirenena Andry RAJOELINA sy Ramatoa vadiny nanomboka ny fizarana ireto fanampiana ireto ary indrindra nitondra ny teny fankaherezana ho an'ireo fianakaviana tra-pahasahiranana noho iny andro ratsy iny. Nambaran'ny Filoha Andry RAJOELINA fa ankoatry ny Vatsy Tsinjo dia hisitraka Tosika Fameno mitentina 100.000 ariary avy ireto tokantrano traboina ireto. Traboina miisa 1018 avy amin'ny boriborintany voalohany sy 683 avy amin’ny boriborintany fahatelo no nisantatra ny fizarana ireo fanampiana ireo, ary nohamafisin'ny Filoham-pirenena fa hisitraka izany avokoa ireo kaominina sy fokontany rehetra niharam-boina. Ho voarakitra ao anaty karinem-pokontany vaovao misy QR code avokoa ireo fanampiana azon'ny tokantrano tsirairay, hoy ny fanazavana. Nambaran’ny Filoham-pirenena ihany koa fa tsy maintsy hatao ny fanarenena farany haingana ireo fotodrafitrasa rehetra rava noho iny rivo-doza iny, ary hiantsoana ny fiaraha-mientan'ny tsirairay izany. Izao izany ilay hoe ny adidy amin’ny traboina sy ny eny ambany tanàna vita, ny propagandy sy fampalazana tena mandeha ihany Zava-dehibe ny fitsinjovana ireo traboina, saingy adino ny zava-drehetra, toa tsy misy raharaham-panjakana mandeha eto fa dia resaka voina aloha no mibahan-toerana sy lasa programan’asam-panjakana. Toy ny tsy misy tompon’andraikitra tena hiantsoroka an’izany, fa olona iray ihany no ezahina hasongadina sy miantsoroka ny zava-drehetra etsy sy eroa. Ny Fanjakana dia naneho, fa manana 35 tapitrisa ambin’ny 50 tapitrisa dolara ambin’ny fanampiana iraisam-pirenena saingy ny anaran’ny Filoha mivady no toa ezahina hankalazaina sy hampalazaina amin’izany. Ezahina hatao ho hahatsiarovana sy hanohanana an-dRajoelina ity resaka fizarana fanampiana miainga amin’ny volam-panjakana sy fanampiana iraisam-pirenena ity satria na ny karinem-pokontany nambara hiraketana izany aza moa efa natao mitondra ny loko volomboasarin’ny MAPAR sy ny mavokelin’ny Fikambanana Fitia.
Toky R