tia tanindrazana

Parution du Vendredi, 2 Juin 2023

airtel

Politique

Antenimieram-pirenena Tsimbazaza Nampaneno lakolosy ho an’ireo depiote mpingitrika i Rossy

Nanao fanairana eo anatrehan’ny fingitrihana ataon’ny solombavambahoaka maro ao anatin’izao fivoriana ara-potoana izao ny depiote Rahasimanana Paul Bert na Rossy omaly.

15-nov-2022

Sample post image

Ny mivory ihany no mivory fa misy depiote tsy mbola hita tety mihitsy hatramin'ny nanombohan'ny fivoriana. Ny sasany mandehandeha any am-pitandranomasina any fotsiny. Miangavy anareo mpanatanteraka ihany koa hajanony ny fitondrana depiote mandehandeha mitety faritra na manatrika seminera anatin'ny fotoam-pivoriana. Olona vitsy kely sisa no mivory ato, toy ny valalan'alika tsy misy mpitondra.", hoy ny ampahany tamin’ny fanehoan-kevitr’ity olom-boafidy ity. Bangabanga hatrany ny toerana ao Tsimbazaza hatramin’ny nanombohan’ny fivoriana ara-potoana ny 18 oktobra 2022 teo. Fotoana handinihana ny volavolan-dalàna mifehy ny tetibolam-panjakana 2023 na LFI 2023 moa amin’ny ankapobeny ity fivoriana ara-potoana ity. Ny 30 oktobra 2022 farafahatarany no nofaritan’ny lalàna fa tokony ho nahatongavan’ny LFI teny amin’ny Antenimieram-pirenena. Ny 11 novambra 2022 teo anefa, nanao karazana ampamoaka tao amin’ny fandaharana malaza iray ny depiote iray fa antontan-kevitra tsy tena izy no tonga tany amin’izy ireo, zavatra tsy feno,… Ny 25 novambra 2022 izao anefa no voalaza fa handaniana ity LFI 2023 ity, izany hoe: azo antoka fa betsaka ny solombavambahoaka izay ny fananganan-tànana no ho lehibe indrindra satria amin’ny fandaniana no matetika tonga maro, fa amin’ny ankampobeny dia bang any ankamaroan’ny seza. Tena iankinan-javatra maro, ary tsy tokony ho tahaka ny hatramin’izay anefa ny LFI 2023 raha tarafina amin’ny fampanantenana maro, ny zavatra ho atrehin’ny firenena toy ny fifidianana, lalaon’ny Nosy,… Nisy ny solombavambahoaka efa naneho fa mety hiakatra 60% mitaha amin’ny teo aloha ny tetibolam-panjakana 2023. Tena mahafehy izany sy niady ho amin’ny tombotsoam-pirenena tokoa ve ireo olom-boafidy izay mpiara-dia amin’ny fitondrana no betsaka sa dia mipetraka ho mpananga-tànana sy mpitehaka ny ankamaroany ?
Toky R
 

Dans la même rubrique

Card image cap
Manoro Régis - UNDD «Matahotra mafy dia mafy korontana izahay»
02-juin-2023

Manaraka ny zava-misy ny antoko politika UNDD, hoy ny filohany, Dr Manoro Régis. Hitanay ny mahazo ny vahoaka, hoy izy.

Card image cap
5 volana mialohan’ny fifidianana Miha mangotraka ny tontolo politika
02-juin-2023

Mihazakazaka ny toe-draharaha politika, ary hita ho miha mangotraka amin’izao 5 volana mialohan’ny fifidianana izao. Mandeha ny adihevitra samihafa toy ny firesahana sy adihevitra ambony latabatra hametrahhana ny fitsipi-pitondran-tena,

Card image cap
Etazonia Manohana ara-toekarena, miandrandra fifidianana madio
02-juin-2023

Nankalazaina omaly 01 jona 2023 ny fankalazana ny faha-247 taonana nanambarana ny fahaleovantenan’i Etazonia

Card image cap
Antoko politika Matsilo «Na ny fitondrana aza mahita fa tsy amin’ny izy ny fitantanany»
02-juin-2023

Madagasikara an’ny malagasy no fantatray, hoy ny antoko politika Matsilo. Na ny fitondrana ankehitriny aza, hoy ny filohan’izy ireo, Joseph Yoland,

Card image cap
Jerry Rakotoarijaona «Samy hafa ny fihetsiketseham-bahoaka sy tolom-bahoaka»
02-juin-2023

Sarotra raha amin’izao ny hahatarika olona hidina an-dalambe, hoy ny mpamakafaka raharaham-pirenena, Jerry Rakotoarijaona.

Card image cap
Antoko politika Natiora «Lojika raha tsy misy fitoniana politika eto»
02-juin-2023

Lalaovin’ireo mpamatsy vola mahazatra isika, hoy ny antoko politika Natiora. Averiko ihany, hoy ny filohan’izy ireo, Mihari-Ni-Rencho,

Voir plus