airtel

Politique

12-mai-2023

Politique

Antoko politika Fiombonana «Tratran’ny toe-draharaha politika tsy azo ihodivirana intsony isika»

Sample post image

Tsy fanirian’ny antoko politika Fiombonana ny hisian’ny tetezamita ary efa im-betsaka izahay, hoy ny sekretera jeneralin’ity antoko politika ity, Durlin Retogniane,

12-mai-2023

no nangataka hoe andao iaraha-manomana rehefa tsy vitan’ny fanjakana ity fifidianana ity. Ny herivelona rehetra hatramin’ny tekinisianina fa tsy voatery mpanao politika, hoy izy, no nantsoinay ombieny ombieny ny mba hisian’izany fikaonandoham-pirenena izany. Tratran’ny «point de non retour» na toe-draharaha politika tsy azo ihodivirana intsony isika izao. Tsy misy vola ahafahana mikarakara fifidianana ny fanjakana ary tsy tanterany ny filan’ireo mpamatsy vola na mpiara-miombon’antoka hikarakarana ilay fifidianana. Antony mampialangalana azy ireo amin’ny alalan’ny vondrona eoropeanina tsy hamatsy fifidianana izany. Efa nambara mihitsy tamin’ny taon-dasa fa tsy ampy ny tetibola tao anatin’ny lalàna mifehy ny tetibola na LFI ahafahantsika mikarakara izany fifidianana izany. Amin’ity indray mitoraka ity toa efa nandefa sorabola indray ny CENI fa mahatratra hatramin’ny 140 miliara Ariary ny vola tadiaviny tao anaty tetibola nasiam-panitsiana na LFR. Izay no mahatonga antsika na dia tsy ankasitrahan’ny vahoaka malagasy aza tsy maintsy mankany amin’ny lalan’ny tetezamita. Tokony hiteny ny fitondram-panjakana hoe tsy misy fifidianana isika amin’ity taona ity noho ireto antony ireto. Efa mandeha ny resaka fa hidinika ireo filoham-pirenena miisa 3 ka maninona moa raha mba manao fanehoan-kevitra amin’ny haino aman-jery mikasika ilay zava-misy izy ireo? Iza no hitondra ilay tetezamita amin’ireo filoham-pirenena miisa 3 samy mbola velona ary samy manana ny antokony sy samy manana ny tanjany ireo? Tsy maintsy hiady hitondra an’io tsinona izany zareo ahafahany mijery ny tombontsoa manokan’izy ireo fotsiny. Mbola baraingo koa anefa hoe haharitra afiriana ilay tetezamita satria raha mbola ho 5 taona indray dia tsy ho zakan’ny toekarentsika sy ny vahoaka malagasy. Ampy ve ny 2 taona satria tsy misy dikany ny hoe avy nanao tetezamita nefa avy eo hiaina krizy aorian’ny fifidianana indray? Firenena iaraha-manana ity ka tokony hifampidinika an-databatra boribory hijery izay hahasoa ity firenena ity ny mpisehatra politika rehetra, hoy hatrany ny antoko politika Fiombonana, nanatitrantitra.
J. Mirija
Legende : Durlin Retogniane
 

Dans la même rubrique

13-juin-2024

Matoa ny olona nisoratra anarana tanaty lisi-pifidianana, hoy ny antoko politika FLN na Front de libération national,

Card image cap
13-juin-2024

Isak’izay mihetsika izao dia mifampiapanga lava isika malagasy hoe mpangalatra,

Card image cap
13-juin-2024

Ny ampitson’ny famoahana vokatra vonjimaikan’ny fifidianana solombavambahoaka nataon’ny CENI omaly.

Card image cap
13-juin-2024

Eo am-piandrasana ny voka-pifidianana raikitra avy amin’ny HCC,

Card image cap
12-juin-2024

Toerana 163 no hiadiana ao Tsimbazaza, ka 79 ho an’ny IRMAR manome ny salan’isa 48,47%,

Card image cap
12-juin-2024

Nivoaka tamin’ny fahanginany omaly ireo solontenan’ny mpanohana ny kandida solombavambahoaka tao Ambatofinandrahana, Christine Razanamahasoa.

Card image cap