airtel

Politique

16-févr-2023

Politique

Betsaka ny tsy voafehy Miha mafy ny ady an-tranon’ny samy mpitondra

Sample post image

Miharihary ny zava-misy amin’ny ady an-trano sy ny lonilonin’ny samy mpitondra. Efa miseho masoandro sy vaky am-batolampy raha tarafina amin’ireny fihetsiky ny depiote IRD sasany eto Antananarivo sy tany amin’ny faritra hafa

16-févr-2023

ireny. Ao ny manakiana mivantana eny amin’ny haino aman-jery fa misy minisitra tsy manjary fa manaratsy endrika ny Filoha. Tao ny nidina an-dalambe mihitsy mitaky fialana olom-boatendry, nahitana izany teto Antananarivo sy tany Bongolava. Vao ny herinandro teo nanamarihana ny famonoana an-dRatsimandrava aza, dia ireny niaraha-naheno ireny ny fanambaran’ny depiote Rossy fa misy olona manaratsy endrika ilay Filoham-pirenena ka esory tao, esory izay manelingelina,… Tonga hatrany amin’ny hoe: avelao halalaka ny hetsika politika sy fidinanana an-dalambe fa aza asiana fitaovam-piadiana mahafaty, manao ny asany mpanohitra fa izahay mpanohana ny filoha voahelingelina,… Tany aloha, dia efa nisy depiote mpiara-dia amin’ny fitondrana natao tsakin’ady rehefa naneho fa tsy laharam-pahamehana ny teleferika, nenjehina tamin’ny filazana fa misy mivaro-janaka noho ny fahantrana sy hanohanana,… Matoa ireny rehetra ireny vaky am-batolampy tahaka ireny, efa tsy voalamina intsony. Vita no nampiantso ireo depiote sy nanome baiko mba hanemorana indray ny fitsipaham-pitokisana tamin’ny desambra 2022 koa nahoana no tsy voalamina tao anatiny ireo disadisa adilahin’ny olon’ny fitondrana? Matoa tonga amin’izao, efa betsaka ny zavatra tsy voafehy intsony ao anaty Fanjakana. Tsy resaka olom-boafidy sy olom-boatendry ihany, fa manomboka maro ihany koa ny sosotra eo anatrehan’ny tsy fahaiza-mitantana miseho amin’ny endriny maro. Tena efa tonga amin’ny teboka farany sy ny farany takany ny fitondrana Rajoelina matoa ny ao anatiny aza efa tsy dia milamina firy intsony. Ny olana, tsy sahy tena manapa-kevitra satria tsy teo ho ratsy, hany ka ilay fitondrana mihitsy no efa milentika tsimoramora. Ny mpanohitra sy ny mpifandrina efa fantatra foana, fa ny tena poizina dia ny hoe: avy ao anatiny no efa maro no sosotra. Mbola hirisika hanohy 5 taona manaraka indray ve amin’izao efa mena izao ny tondro rehetra? Ny olana anatin’ny fitondrana aza tsy voalamina ka atao mahagaga ve raha ny firenena mihitsy no lasa milentika noho ny tsy fahaiza-mitantana
? Toky R
 

Dans la même rubrique

28-mars-2024

Mankahery ny vahoaka malagasy manoloana ny zava-misy ankehitriny

Card image cap
28-mars-2024

Nisy omaly 27 martsa takariva ny karazana fandaharana sy fanambarana nataon’ny PAN.

Card image cap
28-mars-2024

Ankoatra ny fitoriana mba hanonganana tsy ho depiote ny Filohan’ny Antenimierampirenena Rtoa Christine Razanamahasoa,

Card image cap
28-mars-2024

Nidoboka am-ponja ao Antanimora efa tapa-bolana izao Atoa JR lehiben’ny faritra Analanjirofo tamin’ny fitondrana Rajaonarimampianina,

Card image cap
28-mars-2024

Misedra olana marolafy ny firenena na ara-politika na ara-toekarena na ara-tsosialy!

Card image cap
28-mars-2024

Manamafy ireo mpikatroka ifotony ao anatin’ny Antoko TIM ao anatin’ny distrikan’Avaradrano,

Card image cap