Manoloana izany, misy ny vaovao azo avy any an-toerana fa asaina mandoa omby iray isaky ny kaominina mba hanaovana fety handraisana ny vahiny. Tsara ny manamarika fa miisa 17 ny isan’ny kaominina ao anatin’ny distrikan’Ambilobe. Misy ihany koa ny hafatra voarain’ireo mpampianatra mba handoa 1000 Ariary isanisany. Tahaka izao ny hafatra na “SMS” voarain'ny mpampianatra (fonctionnaires sy FRAM): “Bjr!Ampatsiahivina isika Mpampianatra rehetra fa ho avy ao Ambilobe ny Président de la République miaraka amin’ireo Ministres maromaro amin’ny 09 sy 10/09/2022 ho avy io hitokana ny ESM (Etablissement Scolaire Manarapenitra) ao Matsaborilaidama, ny Tribunal sy ny Lalana RN5 ary ny Hopital any SIRAMA. Samy mandray sy mikarakara ary manotrona ny Lehibeny ny Service tsirairay araka ny message nalefan'i Chef CISCO izay nampitaiko (nataoko transfert) any amin’ireo Chefs d'Etablissements, ka manao “cotisation” 1000Ar ny mpampianatra rehetra handraisana sy hikarakarantsika ny minisitrantsika izay Lehibentsika ary talata ny farany”. Maro no tsy faly amin’io, saingy tsy afa-manoatra. Mampametra-panontaniana hoe: angaha tsy manam-bola intsony ny Fanjakana ka ny efa madinika tokony hampiana indray no volosana? Zava-dehibe ny fahavitana fotodrafitrasa, efa fanao ny fety aman-danonana handraisana vahiny manan-kaja, saingy mba tafahoatra kosa raha ny kaominina no ampandoavina omby iray avy mba ho voninahitry ny manam-pahefana ambony ao an-toerana sy ny Fanjakana foibe, ny tokony hampiana indray no itakiana.
Isan’ny zava-dehibe ny fahavitan’ny RN5A, izay mariky ny fitohizan-draharaham-panjakana. Ny fanjakana Rajaonarimampianina no angady nananana sy vy nahitana io fotodrafitrasa io, ny 16 ao aogositra 2018 no nanaovana ny fametrahana ny vato fototra fanombohan’ny asa. Ny Filoha Rajoelina kosa no hitokana azy tahaka ny “rocade ouest” izay nampitohy an’I Marais Masay sy By Pass ihany.
Toky R
Notanterahina omaly teny amin'ny Gara Soarano ny lanonana politika fametrahana samboady ireo
Mitady minisitra volamena tonga dia tsy kosehina intsony fa avy dia mitondra fahazavana
Tsy mahafaty ny mahatsikaiky! na koa hoe «Le ridicule ne tue pas!»,
Aiza sy nankaiza ny Filohan’ny Delegasionina manokan’ny Kaominina Antananarivo Renivohitra Atoa Ramanambitana Richard ?
Efa mitovy salan’isa amin’ireo tantsaha mpamokatra eto amintsika izany hoe :
Mbola vitsy ireo vehivavy misahana andraikitra ambony na miantsehatra eo amin’ny