airtel

Politique

04-janv-2023

Politique

Diplaomasia sy fifandraisana iraisam-pirenena Samy manana ny « tsy mitsanga-menatra » aminy koa io e !

Sample post image

Misongadina, tsy mintsanga-menatra, tsara toerana eo amin’ny sehatra iraisam-pirenena. Maro ireo fihaonana tamin’ny Filoham-pirenena, vondrona iraisam-pirenena,…

04-janv-2023

Nihaona tamin’ny Filoha Amerikanina Joe Biden, Filoha Frantsay Emmanuel Macron , Filoha Tonizianina, Sekretera Jeneralin’ny Firenena Mikambana Antonio Guterres, talen’ny Talen’ny Tahirim-bola iraisam-pirenena, Lehiben’ny Banky Iraisam-pirenena David Malpass, Filohan’ny FMI ho an’ny fampandrosoana sy ny fambolena na FIDA, Talen’ny PAM, Talen’ny ONUDI,…”, hoy ny Filoham-pirenena Andry Rajoelina tao anatin’ny gabariny, raha nanao tombana sy nitatitra ny ambarany fa fahombiazana ara-diplaomasian’ny Fitondrana tarihiny. Noho izany, hoy izy, rehetra izany dia afaka manambara fa tsara ny fifandraisana amin’ireo mpiara-miombon’antoka, mipetraka ny fitokisan’ny mpamatsy vola. Nambarany fa ny antony dia manana vina maty paika. Inona tamin’ireo vina sy programa niova isan-taona ary betsaka no toa nitsefotra? IEM, Plan Marshall, PEM,…? Sahiny ny nilaza fa efa nitondra vokatra azo refesina sy tsapain-tànana ny mpitondra. Miova ny fomba fiasa satria ny tetikasan’ny Fanjakana Malagasy no vatsiany vola raha tsy toy izany no niseho hatrizay, hoy izy. Vita ve Tanamasoandro izay tetikasa goavana isan’ny nireharehana? Hatao eny Imeristiatosika araka ny nampanantenaina ve ny lalaon’ny Nosy? Firy metatra no vita tamin’ilay “Autoroute” Andohatapenaka-Imerintsiatosika? Nitsangana ve ny orinasa Gasycar efa hatrany amin’ny faran’ny taonna 2020 no niresahana azy? Vita ve ny “flyover” efa nanaovana makety tokony hapetraka etsy Anosizato sy Andohatapenaka? Vita ve ny “pole Urbaine” tao Fianarantsoa? Firy metatra no vita tamin’ilay “voie rapide” 10 km ao Toamasina nametrahana vato fototra hatramin’ny aprily 2019? Naverina indray fa voahosotra ho tompondakan’ny fampiroboroboana ny indostria ny Filoha. Miverina ho firenena afaka hisitraka ny MCC (Millenium Challenge Corporation) rehefa tsy nisitraka izany tao anatin’ny taona maro. Fa iza no nanongam-panjakana ka nahatapaka izany taorian’ny 2009? Nolazaina fa nisy ny ezaka teo amin’ny “bonne gouvernance” na Fanjakana tsara tantana, ady amin’ny kolikoly, fahafahan’ny haino aman-jery maneho hevitra satria tsy nisy nikatona tao anatin’izay,… Tena izao endri-javatra miseho izao ve no antsoina hoe: tsara toerana amin’ny sehatra iraisam-pirenena ary mipetraka ny fitokisana? Tena voafehy ve ny famaritana sy ny fahombiazan’ny diplaomasia? Nahoana ny firenen-kafa amina miliara dolara maro fa isika mionona amin’ny fanampiana momba ny maha olona tahaka ny FEC (Facilité Elargie de Crédit) 31,9 tapitrisa dolara ?
Toky R
 

Dans la même rubrique

18-juil-2024

Nijanona ho resaka ambony latabatra sy fangaronan-dela ara-politika aloha ilay hoe :

Card image cap
18-juil-2024

Manoloana ny fanenjehana ara-politika miseho lany ankehitriny dia nanambara ny antoko politika

Card image cap
17-juil-2024

Tsy fotoana hikorontanana eto amin’ny firenena intsony izao fa fotoana hisian’ny

Card image cap
17-juil-2024

Fantatrareo fa tsy nandray anjara tamin’ny fifidianana ny antoko politika Teza,

Card image cap
17-juil-2024

Manoloana ny toe-draharaha misy eto amin’ny firenena dia nanao fanambarana miaraka tetsy

Card image cap
17-juil-2024

Taorian’ny endrika fangejana ara-politika samihafa nialohan’ny fifidianana filoham-pirenena,

Card image cap