Dosie firotsahan-kofidiana

Mahatratra hatrany amin’ny 15 ny taratasy ilaina ho an’ny kandida, ahafahana mandray anjara amin’io fifidianana io. Raha ny vaovao azo omaly anefa, dia misy ireo mitaraina, fa sarotra ny fikarakarana izany, toy ny fakana ny “certificat de nationalité” na ny fanamarinana ny zom-pirenena, tahaka izany ihany koa ny taratasy fanamarinana ny fandoavan-ketra na ny 211 bis,… Ny taratasy fandoavan-ketra izay tsar any manamarika fa amin’ny anaran’ilay kandida amin’ny maha izy azy na “personne physique” fa tsy “personne morale” satria misokatra ny adihevitra samihafa eny amin’ny tambajotran-tserasera, misy fitanisana orinasa sy ny maro hafa, ka soritana kely fotsiny izay mba ho fampahafanantarana ny olom-pirenena. Misy ny taratasy iay asaina hanamarinana samihafa tahaka ny eny anivon’ny Prefektiora ihany koa. Misy aza ny toerana sasany tena tsy hita ny tompon’andraikitra tahaka ny teny Antananarivo Atsimondrano raha ny fanamarihana azo omaly. Marina fa matoa mirotsaka ny kandida dia efa tokony niomana hatry ny ela, kanefa tokony hisy ihany koa ny fanafainganana sy fanamorana ny fikarakarana dosie satria misy hatrany amin’ny roa andro na mihoatra lavitra. Tokony hisy hatrany ihany koa ny fiandrasan-draharaha fa tsy hifampitadiavana hatrany ny tompon’andraikitra samihafa eny amin’ireo toerana hikarakarana ny antontan-taratasin’ny kandida.
Toky R
Légende: Isan’ny dosie takiana amin’ny filatsahan-kofidiana ny taratasy manamarina ny fizakana ny zom-pirenena Malagasy.