tia tanindrazana

Parution du Mercredi, 28 Septembre 2022

airtel

Politique

Dr Jean Louis Rakotoamboa “Mitombo andro aman’alina ny tsy maty manota eto”

Ny raharaha Bongolava, hoy ny filohan’ny antoko politika Teza, Dr Jean Louis Rakotoamboa, dia toy ny raharaha mitranga amin’ireo faritra rehetra.

22-sept-2022

Sample post image

Fanjakan’ny baroa ilay izy, hoy izy. Ny governora tsy mifanaraka amin’ny mpampandeha ifotony any. Na prefe io na lehiben’ny distrika. Tsy mifanaraka amin’ny depiote koa izy na samy Mapar ihany aza ry zareo. Ady an-trano sy fifanalam-baraka toy ireny no misy nefa tokony hajaina ilay antsoina hoe “orthodoxie administrative” na fandrindram-pitantanana fa tsy samy manao izay tiany atao. Raha ny tokony ho izy dia manao tan-tsoroka amin’ny fampandehanan-draharaham-panjakana ny prefe. Ny olana anefa dia tsy misy akory amin’izao fotoana izao ny filankevim-paritra izay tokony hanapaka ny tokony atao any. Sady mandidy no mihinana ny governora. Hitanareo ireny any Melaky fa an-tapitrisany ny fahana laniana isam-bolana. Ny any Bongolava manao tranobem-paritra ny governora dia tsy fantatra hoe ohatrinona no lany? Tsy misy zava-bita akory. Ny tsy fandriampahalemana moa dia zava-doza amin’iny faritra andrefana iny. Endriky ny fitondrana mafia io. Izay ilay hoe tsy “initiative pour l’émergence de Madagascar” ilay IEM fa “initiative pour l’émergence des mafieux”. Hitantsika ireny ny ataon’ny governora aty amin’ny faritra Alaotra mangoro sy ny maro isan-karazany. Adalana daholo no miseho erak’io rehetra io fa tsy misy fampandrosoana vanona akory any. Any amin’ny minisitera no misy hoe volamena 36 kilao tsy hita nefa ianao praiminisitra lehiben’ny governemanta sady minisitra mpisolo toerana tao. Dia tsy hitanao ve izany? Miseho erak’io rehetra io ny aferana volamena sy halatra ary ny loza amin’ilay izy dia anarany misy fitsarana avo na HCJ eto saingy ilay dingana hoe ny 2/3n’ny mpikamban’ny antenimieram-pirenena no milaza hoe olo-meloka io olona io ka tokony ho tsaraina. Izay ilay izy vao mandeha. Hatreto anefa ny antenimieram-pirenena milaza hoe olo-marina daholo ireny. Mivaralila sy feno erak’io rehetra io izao ny afera isan-karazany na ataon’ny governora io na fitsarana na minisitera. Vadina minisitra no mitondra basy erak’io rehetra io. Asana mafia daholo ireny. Izay no mahatonga ny Teza sy RMDM hiteny mila manao fanorenana ifotony sy fanadiovana isika fa tena loza. Mitombo andro aman’alina ny tsy maty manota eto amin’ity firenena ity, hoy hatrany izy.
J. Mirija
 

Dans la même rubrique

Card image cap
Miralenta ho an’ny fanaovana politika 75% amin’ny Malagasy no mankasitraka…
28-sept-2022

Nitondra ny tatitry ny fanadihadiany mikasika ny fitantanana, ny demokrasia, ary ny fiainana ara-tsosialy eto Madagasikara, niainga tamin’ny lohahevitra roa lehibe dia ny “Miralenta” sy ny “Fiarovana ny zon’ny ankizy”.

Card image cap
Pimaso amin’ny mpamatsy vola Hiara-hiasa ny Minisiteran’ny vola sy ny Bianco
28-sept-2022

Notanterahina androany 27 septambra 2022 teny amin’ny Trano Fivorian'ny Plan Anosy ny famoahana amin’ny fomba ofisialy ny Politika Anatiny Iadiana amin'ny Kolikoly ho an'ny Ministeran'ny Toekarena sy ny Fitantanam-bola (MEF).

Card image cap
Depiote Fetra Ralambozafimbololona “Hiverina amin’ny fanoherana tsy ho ela ireo”
28-sept-2022

Voasakantsakana ny antoko politika Tiako I Madagasikara na TIM raha nanao fampiratiana an-tsara ny tantarany noho ny tsingerintaona faha 20 tany Mahajanga,

Card image cap
Fitantanana ny firenena Efa tena Fanjakan’i Baroa no misy eto
23-sept-2022

Mbola tany misy Fanjakana ihany ve eto sa izao ilay antsoina hoe: Fanjakan’I Baroa? Ny volan’ny Tahirim-pirenena ho an’ny fiahiana ara-tsosialy na ny CNaPS toa natao tantely afa-drakotra ka ny

Card image cap
Rivo Rakotovao “Efa ny Banky foibe angamba no vaky vao ho taitra ?”
23-sept-2022

“Malahelo satria olona efa any am-ponja 4 taona ve dia manao “atteinte à la sûreté intérieur de l’Etat”? Mbola ilay zandrinay ihany ve no lazaina fa manongana ity Fanjakana ity, Fanjakana matanjaka be io.

Card image cap
Fampandrosoana Mifampiankina ny toekarena sy ny fifandraisana iraisam-pirenena
23-sept-2022

Azo lazaina ho mbola mifehy ny toekaren'izao tontolo izao ireo firenena miisa 8 matanjaka indrindra eto ambonin’ny tany ao anatin’ny antsoina hoe G8.

Voir plus