Eliace Ralaiarimanana “Miandry ny fahajamban’izay nangalatra ny vatoko aho”

ny tomponandraikitra tendrena tsy manao ny asany fa mijery fotsiny mameno paosy dia tsy maintsy mijoro indray I Eliace Ralaiarimanana hanatanteraka ny adidy sy andraikitra nomen’Andriamanitra, hoy ny kandida ho ben’ny tanànan’Antananarivo farany teo sady mpanao politika, Eliace Ralaiarimanana. Diso ihany ny fieritreretan’ny filoham-pirenena tamin’izy nanandratra ilay “lakile fopla” iny satria aty amin’I Eliace ilay lakile tena izy, hoy izy. Amin’ny alalan’ny antso avy amin’Andriamanitra no hijoroana hanavotra izao firenena izao mihitsy. Finoana no entina manarina izao fa tsy azo eritreretina ny hoe mbola misy herin’olombelona hanavotra izao. Amin’ny alalan’ny safidim-bahoaka foana io. Efa nomena foana ny sosokevitra nefa vao mainka izao miha mafy ny tsy fandriampahalemana. Ny sosialim-bahoaka tsy mandeha amin’ny izy intsony. Tsy misy ao amin’izao fitondrana izao mihitsy ny fahaiza-mitantana satria rehefa narary ny vahoaka malagasy dia fasana no namboariny. Haka an’io fako io fotsiny izao dia mila maka alalana vao afaka manao izany. Nireharehan’ny ben’ny tananan’Antananarivo anefa hoe atero any amiko ny fako rehefa tsy voaroaka. Manerana an’Antananarivo nefa misy fako daholo izao. Tsy hoe izaho tsy lany no mahatonga ahy hiteny izany fa dingana iny filatsahana ben’ny tanana iny. Eto am-piandrasana mihitsy aho izao satria ny tenin’Andriamanitra rehetra tsy misy tsy ho tanteraka. Niteny aho tamin’ireny fotoana ireny fa ho jamba izay mangalatra ny vatoko ka miandry ny fahajamban’izay nangalatra ny vatoko tamin’iny fifidianana ben’ny tanana iny aho izao. Tena nisy ny fangalarana. Tsy ny haha jamba ilay olona no maha maika anay fa ny fahatanterahan’ny tenin’Andriamanitra amin’ny maha Kristianina anay. Hisy zavatra hitranga eto amin’ny firenena ary ireny loza maro nitranga ireny efa kapoka ho an’ny filoham-pirenena daholo. Ny Covid 19 hoe nahatonga fahasahiranana indray aza no nahazoany volabe indrindra nentiny nanatanterahany ny tetikasany. Tsy nisy na inona na inona io filoham-pirenena io raha tsy nisy an’iny, hoy hatrany ny tenany.

J. Mirija