tia tanindrazana

Parution du Vendredi, 25 Novembre 2022

airtel

Politique

Esoeson-tenin’ny Filoha tany Ambilobe Namaly bontana ny HVM France

“Nisy ny nampanantena, nisy ny nilaza fa hanao raha kay tsy nahavita, nisy ny nametraka vato fehizoro hay fitaka, ny filohanareo tsy mamitaka,

12-sept-2022

Sample post image

rehefa nisy nampanatenaina dia vitaina. Niasa mafy, nandresy lahatra ny mpamatsy vola, nahazo famatsiam-bola…”, hoy ny Filoha ankehitriny Andry Rajoelina ny 09 septambra lasa teo, nandritra ny fitokanana ny RN5A mampitohy an’Ambilobe Vohemar. Nitondra valin-kavatra kosa ny HVM France, izay naneho fa faly izy ireo, faly ny mpiray tanindrazana, faly ny Filoha teo aloha Hery Rajaonarimampianina nahita ny làlana vita soamantsara, izay niasany mafy ka nahitany famatsiam-bola. Malahelo, ary tsy hay kosa ny hangina satria ny kabary fanokafana ny làlana, kabary miendrika propagandy dia nentina hanaratsiana ny fitondrana teo aloha, hoy ny HVM France. Hendrikendrehana ho mpamitaka satria tsy tsy nahavita ny làlana, kanefa raha ny Filoha Hery Rajaonarimampianina manokana, ny volana may 2017 no vita ny fifampiraharahana ara-bola, rehefa niady mafy ny hahazoana izany. Natomboka ny asa, ary 24 volana no nifanarahana hahavitana izany. 4 taona aty aoriana izy io vao vita. Tsy “normal” ve raha ny taona 2018 nahazoana ny vola sy nialana teo amin’ny fitondrana dia mbola tsy vita ny lalana ka nahoana no hitsarana olona ho mpamitaka? Iza marina no mpamitaka sy mbola te hamitaka? Hoy ny HVM France. Tsara moa no mampahatsiahy, fa ny 09 septambra 2022 teo, dia namoaka fanambarana ihany koa ny Filoha teo aloha Hery Rajaonarimampianina. “Miara-mifaly amin'ny vahoaka amin'iny faritra avaratra iny, eny mbamin'ny firenentsika mihintsy amin'izao fahavitan-dalana RN5A mampitohy an'i Vohemar sy Ambilobe izao. Nody ventiny ny ezaka nataoko efatra taona lasa izay, ny 16 aogositra 2018 no nametrahana ny vatofehizoron'ny asa fanamboarana ny asa ka izaho Hery Rajaonarimampianina, Filoham-pirenena tamin'izany no nanao azy izay nahazoana famatsiam-bola 158 tapitrisa dolara avy tamin'ny fanjakana sinoa ny volana may 2017. Ny 19 aprily 2019 no natomboka tamin'ny fomba ofisialy ka ny Filoha ankehitriny no nitarika izany, 24 volana no voafaritra hanatanterahana ny asa tamin'ny fotoana nahazoantsika ny famatsiam-bola,…”, hoy i Hery Rajaonarimampianina.
Toky R
 

Dans la même rubrique

Card image cap
Eliace Ralaiarimanana “Hadio Antananarivo manomboka eto”
25-nov-2022

Nihaona tamin’ny ben’ny tanànan’Antananarivo, Naina Andriatsitohaina, aho anio (TTF: omaly), hoy ny mpanao politika Kristianina sady kandida ben’ny tanànan’Antananarivo teo aloha, Eliace Ralaiarimanana.

Card image cap
Fanjakana tia manenjika sy managadra Manivana moka fa mitelina rameva, tojo ny taolana…
25-nov-2022

Nanakoako ny fanambaran’ireo firenen-dehibe sy vondrona iraisam-pirenena omaly naneho fa manohana ny vahoaka Malagasy sy ny governemanta ary ny fiarahamonim-pirenena amin'ny ady amin'ny kolikoly,

Card image cap
Alain Andriamiseza “Rehefa mitarika fanorenana ifotony dia namanay”
24-nov-2022

Hiroso amin’ny fikaonandoham-pirenena izahay na iza vonona na iza tsy vonona, hoy ny mpanao politika, Alain Andriamiseza. Na iza hanao na iza tsy hanao, hoy izy.

Card image cap
Fikaonandoham-pirenena Raisina ao Antaninarenina rahampitso ireo volavolan-kevitra
24-nov-2022

Ho tohin’ny fanambarana ny 31 oktobra 2022 tao Bel’air sy ny tao amin’ny Soimanga Manakambahiny ny 14

Card image cap
Toe-draharaha politika mafana Tonga manao fakan-kevitra eto ny SADC
24-nov-2022

Manatanteraka iraka eto Madagasikara ny iraky ny Vondrona SADC nanomboka omaly 23 novambra hatramin’ny 28 novambra ho avy izao. Isan’ny heverina ho lehibe ao anatin’io ny resaka politika sy ny toe-draharaha mialohan’ny fifidianana.

Card image cap
Tsy azo atao ankamehana ny fifidianana “Mbola tsy mifampatoky isika malagasy
24-nov-2022

Nampahafantarina omaly tetsy amin’ny Le Pavé Antaninarenina ny fitsanganan’ny Hetsika iombonana ho fanarenana sy fanorenana ifotony an’I Madagasikara na H.I.F.F.I.M.

Voir plus