airtel

Politique

10-févr-2023

Politique

Famotsiam-bola sy famatsiana asa fampihorohoroana Anisan’ireo firenena 5 tena ahiana mafy i Madagasikara

Sample post image

Tafiditra anatin’ireo firenena 5 voalohany tena ahiana mafy amin’ny resaka famotsiam-bola sy famatsiana ny asa fampihorohoroana I Madagasikara.

10-févr-2023

Isika no eo amin’ny laharana faha-5 amin’ny firenena 128, ary fahatelo kosa aty amin’ny faritr’I Afrika atsimon’I Sahara, raha ny tatitra sy tondro navoakan’ny AML de Bale (Assessing money laundering), ary ambony be ny ahiahy momba izany ho an’ity 2023 ity. Raha 7,40/10 ny naotintsika ny 2021, dia niakatra 7,59/10 ho an’ny taona 2022, kanefa arakaraka ny fanakaikezana ny isa 10 no maneho fa miharatsy ny zava-misy momba ny famontsiam-bola sy ny mety famatsiana ny asa fampihorohoroana. Sehetra 5 no nanaovana tombana ka 65% ny tamin’ny famotsiam-bola sy famatsiana ny fampihorohoroana, kolikoly 10%, fangaraharana ara-bola 10%, fangaraharana eo amin’ny asam-bahoaka 5%, ary ny resaka risika amin’ny raharaham-pitsarana sy lalàna 10%. Nambara fa heverina hitondra fanatsarana ny fametrahana ireo rafitra vaovao ho an’ny ady amin’ny fifamoivoizan’ny vola maloto. Tsara moa ny manamarika fa efa mipetraka avokoa ireo rafitra 5 eo amin’ny resaka ady amin’ny kolikoly toy ny SAMIFIN amin’ny resaka fady amin’ny famotsiam-bola sy famatsiana ara-bola ny asa fampihorohoroana, ny Bianco izay efa fantatry ny rehetra, ny ARAI izay manao fanagiazana ny harena azo tamin’ny fomba tsy ara-dalàna, ny PAC izay fitsarana momba ny ady amin’ny kolikoly, ary ny CSI izay rafitra natao hitandro ny fahintsiana. Mbola ampidirana kely amin’ireo aza ny fitsarana momba ny kaonty, saingy isan’ny olana anefa ny mety ho tsy fahampian’ny fahefan’ireny. Sarotra ny ady satria indraindray ny fahefaham-panjakana mihitsy no ialokalofana amin’ny afera maloto avo lentana samihafa.
Toky R
 

Dans la même rubrique

18-juin-2024

Naharesy ny fitondrana dia mampitandrina amin’izay hoe tena nisy demokrasia teto,

Card image cap
18-juin-2024

Mifanindry tanteraka amin’ny fankalazantsika ny fetin’ny fahaleovantena ny iray volan’ny teny malagasy,

Card image cap
18-juin-2024

Fomban’ny mpanao politika ny manakarama olona hampiaka-peo hoe izahay no tompon’ny fahamarinana,

Card image cap
18-juin-2024

Miandry ny famoahan’ny HCC ny vokatra ofisialy, io no mamaritra ny tanjaka politika,

Card image cap
18-juin-2024

Mitohy ny fanatsikafonana ireo heverina fa tsy fanjariana tao anatin’ny fifidianana

Card image cap
18-juin-2024

Mampiteny ny moana ny fitarainana avy amin’ny lafivalon'ny Nosy manamafy fa tsy misy nandeha

Card image cap