airtel

Politique

26-janv-2023

Politique

Fanatanterahana fifidianana Mila hatrany amin’ny 142 miliara ny CENI…

Sample post image

Dimy andro mialohany hahataperan’ny fanalavam-potoana amin’ny fanavaozana manontolo ny lisi-pifidianana, 9 040 501 no tafiditry ny CENI

26-janv-2023

ao anaty lisitry ny mpifidy nanomboka ny 01 oktobra 2022 hatramin’ny 24 janoary 2023, raha ny antontan’isa azo tamin’io vaomiera io omaly 25 janoary 2023. Manome 66,51%-n’ny tanjona nofaritan’ny CENI hahatafidirana mpifidy 13 500 000 io. Raha izao sary izao, ahiana tsy ho tratra izany ny 10 tapitrisa tamin’ny fifidianana 2018 izay hafahafa ihany izany.
Mbola mitohy hatramin’ny 31 janoary izao ny fitetezana isan-tokantrano ataon’ny mpanisa mpifidy, izay nankinina amin’ny Vaomiera Ifotony mpanisa mpifidy (CLRE). Mitohy kosa ny fahafahan’ny olom-pirenena tsirairay manatona ny biraom-pokontany misoratra anarana na dia tapitra aza io datin’ny 31 janoary io, hoy ny filohann’y CENI, Dama Andrianarisedo. Nisy ihany koa moa omaly ny fihaonana voalohany teo amin’ny CENI sy ny mpiara-miombon’antoka ara-teknika sy ara-bola (PTF). Nahitana ny Mpandritra maharitry ny Firenena Mikambana, ny Ambasadaoron’ny Vondrona Eoropeanina, Ambasadaoron’ny Vondrona Afrikanina, Solontenan’ny PNUD,… Natao ifanakalozam-baovao momba ny zotram-pifidianana, niresahana ny ezaka vita, nampahafantarana ny andraikitry ny CENI mikasika ny zotram-pifidianana, indrindra fa ny fifidianana Filoham-pirenena, hoy ny Filohan’ny CENI. Isan’ny mbola baraingo ny hoenti-manana ara-bola, ary nisy ny nambaran’ny filazam-baovao fa mangataka 33 tapitrisa dolara na 142 miliara Ar ny CENI. “Tsy dia hoe: fangatahana amina vondrona manokana, fa ilay 33 tapitrisa dolara no vinavinan’ny CENI amin’ny tetibola hoenti-manatanteraka ny fifidianana”, hoy ny Filohan’ny CENI Dama Andrianarisedo. Ity farany izay naneho fa tsy niresaka tamin’ny CENI ny PTF hoe: tsy mahatoky. Mazava aloha izany fa mbola tsy manana vola ampy hoenti-manatanteraka ny fifidianana ny CENI. Nanamafy anefa ny filohany fa tsy maintsy hisy ny fifidianana satria ny lalàmpanorenana no milaza fa tapitra amin’ny 24 janoary 2024 ny fe-potoana iasan’ny Filoha ankehitriny, araka ny fanazavany. Tetsy ankilany, tsy mbola nilaza sy nanome antoka mazava amin’ny fanampiana hoentiny ny PTF. Naneho fa miseho amin’ny endrika maro ny fanampiana, ka ao anatin’ny fifampidinihana amin’ny CENI izao, ary vao andro voalohany. Misy tetibola, misy drafitr’asa, ary misy zavatra andrasan’ny CENI ka mbola hiadian-kevitra ny hoentinay amin’ny CENI, hoy ny Mpandrindra Maharitry ny Firenena Mikambana Sanogo Issa..
Toky R

 

Dans la même rubrique

16-avril-2024

Anio 16 aprily 2024 no hamoahan’ny Fitsarana avo momba ny lalàmpanorenana na

Card image cap
16-avril-2024

Isan’ireo antoko nanapa-kevitra handray anjara amin’ny fifidianana ny antoko politika Otrikafo

Card image cap
16-avril-2024

Mbola misy ny antsojay amin’ireo tsy ao anatin’ny antoko politika miaraka amin’ny fitondrana

Card image cap
16-avril-2024

Mitohy hatrany ny fitetezana ireo kaominina mandrafitra ny distrikan’Avaradrano tanterahin’ireo Kandida Solombavambahoaka

Card image cap
15-avril-2024

Ny sabotsy 13 aprily teo tetsy amin’ny Espace Fenitra Merimanjaka no nitondrana am-bavaka sy nanolorana ofisialy

Card image cap
15-avril-2024

Noraisina tamin’ny fomba ofisialy tetsy amin’ny Olympia Ampitatafika ny sabotsy

Card image cap