airtel

Politique

19-avril-2024

Fandinkan-dalàna sy fanjakazakana…

Minisitra lasa kandida mitety sekoly mizara fananam-panjakana

Sample post image

Mitohy hatrany ny fitsidihana sekoly eto Fianarantsoa sy ny manodidina, tanterahin'i Docteur Marie Michelle

19-avril-2024

Sahondrarimalala sy ny solombavambahoakan'ny Fianarantsoa A/toa Seth Rajoelina sy ireo mpiara miasa aminy. Androany dia sekoly miisa 6 no notsidihana : CEG Ambatovory, CEG Andreambosary, EPP Andreambosary, EPP Ambalandapa, CEG Randria Michel Joseph (Antsaharoa ), EPP Razanaka Albert. Tao ny notolorana tablette,maillot sy baolina. Tao ihany koa ny notolorana tafo fanitso, aron'akanjo sy kapa ary dabilio. Tanjona hatrany ny hanatsarana ny lafiny fanabeazana eto Madagasikara », hoy ny seraseran’ny DREN Matsiatra Ambony omaly tokony ho tamin’ny 8 ora alina. Mampametra-panontaniana avy hatrany hoe : azy manokana sa an’ny Fanjakana ireo zavatra zarainy fa raha ny fahalalana azy dia fananam-panjakana satria tetikasan’ny Minisitera niantsorohany teo aloha ? Amin’ny maha inona azy moa izany no ahafahany mizara an’ireo satria dia ny Minisitry ny fanabeazam-pirenena teo aloha mihitsy no mizara sy miara-maka sary amin’ny mpianatra sy mpanabe ? Ny tenany izay efa nametra-pialana ary misy ny didim-panjakana 2024-959 manafoana ny fanendrena azy tsy ho minisitra noho izy kandida depiote. Fananam-panjakana sy fitaovam-panjakana ireto zaraina ireto, ary kandida amin’ny fifidianana depiote no miditra an-tsehatra mizara izany mialokaloka aorian’ilay depiote am-perin’asa iray lisitra amin’ny fifidianana ho avy. Tsy resaka tsy fitiavan’olona na finiavana hitsikera be fahatany, fa ny andininy faha-39 amin’ny lalàmpanorenana no manamafy ny tsy tokony hitanilan’ny faampianarana, fitsarana, tafika,… amin’ny politika ary iantohan’ny Fanjakana izany tsy fitanilana izany. Vao hoe: handeha ny fifidianana depiote dia nampitandrina mafy ny Filohan’ny HCC fa tsy hitsitsy an’ireo minia mampiasa ny fahefam-panjakana, mampiasa ny fitaovam-panjakana, mandika lalàna,… amin’izao fifidianana izao fa hikapoka mafy. Mpahay lalàna ihany koa ny Minisitry ny fanabeazana ka asa na minia mikipy na tena misy venti-kevitra lehibe hoentiny handisoana ny tsikera ka hilazany fa tena mety ny ataony na sanatria tena araka ilay hoe: izahay aloha izao no eto dia izay tianay io? Aiza ny etika sy fanajana lalàna? Dia asa indray izay ho fanazana sy fandraisan’andraikitra eo anatrehan’itony, fa ny fijerena fotsiny an’izao dia toa manamarina fa tsy maty manota sy afaka manao izay tiany atao ny kandidam-panjakana, ary mety efa hampandresena ambony latabatra raha toa ka jerem-potsiny.
Toky R


 

Dans la même rubrique

17-mai-2024

Tsy nisy fitsabatsabahana nataon’ny vondrona eoropeanina loatra tamin’ny zava-nisy

Card image cap
17-mai-2024

Anisan’ireo nampanantenain’ny filoham-pirenena fa hananganana kianja manara-penitra ny ao Ankazobe.

Card image cap
17-mai-2024

Nivadika tanteraka ny rasa ao amin’ny distrikan’Ambatofinandrahana.

Card image cap
17-mai-2024

Efa manao izay tiany atao ny mpitondra fanjakana, hoy ny mpamakafaka, mpanao politika,

Card image cap
17-mai-2024

Niaiky hatrany ny Filoha Andry Rajoelina fa tena marary isika amin’ny lafiny angovo,

Card image cap
16-mai-2024

Hiakatra eo anivon’ny PAC na «Pole anti-corruption», izany hoe ny fitsarana miady amin’ny kolikoly,

Card image cap