tia tanindrazana

Parution du Mercredi, 28 Septembre 2022

airtel

Politique

Fanjakana tsy mahavaha olana “Fampalazana tena sy fampanantenana sisa no atao”

Fampalazana tena na « populisme » no mbola hanarontsaronana ny tena zava-misy iainan’ny vahoaka no tena ataon’ny Fitondrana Rajoelina ankehitriny.

29-juin-2022

Sample post image

Tsy mahavaha olana, fa na fampanantenana no betsaka, na mitady izay hanilihana, na miezaka manao kisehoseho ivelany hafa mihitsy hanariana dia sy hamiliviliana ny sain’ny olona. Tsy manana drafitra sy paikady hoenti-mitantana firenena, tsy manana paikady hoenti-miatrika sy mamaha ary mifehy ny fiantraikan’ny olana, toy ny tamin’ny coronavirus nahery vaika, izay tsy nisy drafi-panarenana mazava na “plan de relance” na ara-toekarena io na ara-tsosialy. Kianja manara-penitra no nihazakazahana sy nireharehana, ratsy tantana sy ahiana toa lasa tany amin’ny tsy izy ny vola, ahiana ho nanaovana bizim-pianankaviana toy ny tamin’ny resaka tambavy ka tonga hatramin’ny famoronana horonan-tsary miendrika faminaniana sandoka fa hiainga eto Madagasikara, hono, ny famonjena izao tontolo izao, ny artemesia nolazaina fa hahazoana tombony noho ny vary,... Fanafarana sambo mitondra entana ilaina andavanandro no nolazaina fa asa fampandrosoana fa ny fambolena vary 2 taona vao miakatra,… Io ny vokany hoe: mahatratra 7,7 ireo Malagasy zara raha misakafo ankehitriny raha toa ka 6,3 tapitrisa 3 volana lasa, hoy Rtoa Marie-Chantal Uwanyiligira Solontena maharitry ny Banky Iraisam-pirenena roa herinandro lasa teo izay. Tsy mamoaka ny vokany firy intsony ny ankamaroan’ny firenena mpamokatra toa an’i Inde, Pakistan,…. hany ka miaka-bidy ny vary, katsaka, varim-bazaha. Ny any Ukraine sy Russie, dia isika no firenena laharana faha-17 amin’ny fanafarana varim-bazaha,… Ny solika moa io, dia tany amin’ny 80 dolara no efa 120 dolara ny barila. Kofona tanteraka ny Fanjakana ary ambaran’ny mpahay toekarena fa isan’ny lesoka ny tsy nanetsehana ny vidiny fony nilatsaka be na niakatra kely ny vidin-tsolika. Hatramin’ny Jirama tsy voahodina intsony, bokan-trosan-tsolika hatrany amin’ny 1000 miliara Ar. Efa tany amin’ny novambra 2019 no natsangana ny SPM (State Procurement of Madagascar) hanafatra PPN, solika, saingy ny “réquisition” no nihazakazahana satria ankoatra ny olana ara-lojistika hanatobiana solika, dia mazava fa tsy manam-bola hividianana mivantana. Ny orinasa sy indostria no toa tadiavina hovolosana hakarina 80-100% ny faktiora ka izany ve no fahaiza-mitantana? Izao delestazy manerana ny Nosy, fa mbola mahita fomba hampalazana tena amin’izany ihany ny Filoha, toy ny tao Ambovombe herinandro mahery izay hoe: izaho no handray andraikitra rehefa tsy handray andraikitra ny Jirama sy ny minisitera,… Tsiahivina hatrany tsisy na tsy ampy solika ny jirama toy ny any Antsohihy izay tapaka tanteraka afak’omaly, Ambositra ora vitsy sisa, Sambava, Ambatondrazaka, Nosy Be,… Ny eto Antananarivo moa dia ny herin’ny rivotra indray, hono, no fototry ny olana omaly.
Toky R
 

Dans la même rubrique

Card image cap
Miralenta ho an’ny fanaovana politika 75% amin’ny Malagasy no mankasitraka…
28-sept-2022

Nitondra ny tatitry ny fanadihadiany mikasika ny fitantanana, ny demokrasia, ary ny fiainana ara-tsosialy eto Madagasikara, niainga tamin’ny lohahevitra roa lehibe dia ny “Miralenta” sy ny “Fiarovana ny zon’ny ankizy”.

Card image cap
Pimaso amin’ny mpamatsy vola Hiara-hiasa ny Minisiteran’ny vola sy ny Bianco
28-sept-2022

Notanterahina androany 27 septambra 2022 teny amin’ny Trano Fivorian'ny Plan Anosy ny famoahana amin’ny fomba ofisialy ny Politika Anatiny Iadiana amin'ny Kolikoly ho an'ny Ministeran'ny Toekarena sy ny Fitantanam-bola (MEF).

Card image cap
Depiote Fetra Ralambozafimbololona “Hiverina amin’ny fanoherana tsy ho ela ireo”
28-sept-2022

Voasakantsakana ny antoko politika Tiako I Madagasikara na TIM raha nanao fampiratiana an-tsara ny tantarany noho ny tsingerintaona faha 20 tany Mahajanga,

Card image cap
Fitantanana ny firenena Efa tena Fanjakan’i Baroa no misy eto
23-sept-2022

Mbola tany misy Fanjakana ihany ve eto sa izao ilay antsoina hoe: Fanjakan’I Baroa? Ny volan’ny Tahirim-pirenena ho an’ny fiahiana ara-tsosialy na ny CNaPS toa natao tantely afa-drakotra ka ny

Card image cap
Rivo Rakotovao “Efa ny Banky foibe angamba no vaky vao ho taitra ?”
23-sept-2022

“Malahelo satria olona efa any am-ponja 4 taona ve dia manao “atteinte à la sûreté intérieur de l’Etat”? Mbola ilay zandrinay ihany ve no lazaina fa manongana ity Fanjakana ity, Fanjakana matanjaka be io.

Card image cap
Fampandrosoana Mifampiankina ny toekarena sy ny fifandraisana iraisam-pirenena
23-sept-2022

Azo lazaina ho mbola mifehy ny toekaren'izao tontolo izao ireo firenena miisa 8 matanjaka indrindra eto ambonin’ny tany ao anatin’ny antsoina hoe G8.

Voir plus