Fifidianana solombavambahoaka

maraina ka hatramin'ny 5ora hariva, ny fifidianana solombavambahoaka eto Madagasikara . Tsy maintsy feno 18 taona, Malagasy, tsy mbola nisazy, mahaloa hetra, hita ao anaty lisitry ny mpifidy, nahaloa 20 000 000 ariary anto-bola firotsahana, miverina io vola io raha mahazo 10% n'ny vato manan-kery ny kandida iray.
ARAKARAKY NY ISAN’NY MPONINA
Raha toerana iray ihany no anjaran'ilay Distrika, fari-pifididianana, izany hoe misy mponina latsaky ny 310 000, dia olona iray no atolotra, manome ny olona mpisolo-toerana kosa, sanatria misy ny tsy fahafahana manohy ny asa, na maty, na voatendry amin'ny toerana tsy ahafahany misahana ilay andraikitra, no sady Solombavambahoaka, ohatra voatendry ho minisitra. Raha toerana roa kosa no iadiana, dia lisitra no atolotra, ka samy misy mpisolo toerana avokoa ireo roa anaty lisitra.
ATERINA ENY AMIN’NY DISTRIKA NY DOSIE
Manomboka ny alarobia 27 martsa 2024 amin'ny 9 ora maraina ka hatramin'ny alatsinainy 08 aprily 2024 amin'ny 5 ora hariva ny fanaterarana ny antontan-taratasy filatsahan-kofidiana, eny amin’ny Sampan-draharaha mandray ny dosie filatsahana eo anivon'ny Distrika. Afaka mirotsaka na amin'ny alalan'ny antoko politika, izay manome taratasy fanendrena, na tsy miankina, indépendant. Tsy maintsy mahazo fanamarinam-pandraisana ny dosie. Tsy azo sintonina intsony ny firotsahana aorian'ny daty farany fikatonan'ny fandraisana firotsahana.
IREO ANTONTAN-TARATASY ILAINA
Tafiditra ao anatin’ny antontan-taratasy tsy maintsy ananan’izay ho kandida ny Fanambarana firotsahan-kofidiana, sonia voamarina, eny amin'ny Distrika. Fanambarana fiarahana hilatsaka ho fidiana, ho an'ireo distrika misy toerana roa no ho fidiana , Soram-piankohonana lava, na karapanondro voamarina, Fanamarinana maha Malagasy latsaky ny 6 volana, alaina eny anivon'ny fitsarana , Fanamarinana fa mbola tsy nisazy ( Bulletin N3) alaina eny amin'ny fitsarana nisy ny toerana nahaterahana, matetika eo amin'ny renivohitry ny Distrika io, na Faritany. Ilaina ihany koa ny dika mitovy amin’ny kara-pifidianana, na fanamarinana fa ao anaty lisitry ny mpifidy.Mila fanamarinana fa nahaloa hetra nandritra ny telo taona farany, ho an'ireo tantsaha na mpiasa dia manatona hatrany ny sampan-draharahan'ny hetra .
TSY VOATERY AO AMIN’ILAY DISTRIKA ONENANA NO KANDIDA
Mazava ho azy fa mila Fanamarinam-ponenana (Fokontany), afaka milatsaka na aiza na aiza ny fonenana, na tsy ao anatin'ilay distrika ilatsahana aza . Izany hoe mety mipetraka any Toamasina II ianao kanefa kandida solombavambahoaka ao Toamasina I. Mila ny Fanambaran'ireo mpisolo toerana ary manao dosie toy ny loha lisitra ireo kandida laharana faharoa, sy ireo mpisolo toerana rehetra, satria mety ho izy izany no handimby toerana raha tsy afaka manohy asa ilay voalohany . Takiana ihany koa ny taratasy faneken'ireo mpîsolo toerana , Fanambarana fanekena ny hanaja ny mangarahara amin'ny fitantanam-bolan'ny propagandy, sy ny fanaovana tatitra momba izany . Taratasy fanendren'ny antoko politika, na vondron'antoko politika mijoro ara-dalàna, raha kandida n'antoko politika . Taratasy fanamarinana nandoavana ny anto-bola 20 000 000 ariary . Ny Matrice na « support électronique » ahitana ny sary, na faneva na anaran'ny kandida atao amin'ny bileta, jereo site CENI fa misy modely, ny habeny. Dika mitovy ny fanambaram-pananana ho an'izay voakasik'izay. Ireo rehetra ireo dia atao dika mitovy 3 avy, ary arahana lisitry ny antonta-taratasy ao anaty dosie. Ny sampan-draharaha rehetra voakasik'ireo dia mandamina ny ora fisokafany mba ahafahan'ny rehetra manao izay taratasy izay, na amin'ny andro tsy fiasana, na tondroana tsy hiasana fa andraisana karama aza. 18 aprily 2024 no avoakan'ny CENI ny lisitr'ireo mpifidy voatana, miaraka amin'ny sary sy fanevany, ka mampita izany any amin'ny HCC.

Manomboka ny alarobia 08 mey 2024 amin'ny 06 ora maraina ka hatramin'ny alatsinainy 27 mey 2024 amin'ny 12ora alina. Mitsahatra indray andro mialoha talata 28 mey 2024 amin'ny 06ora maraina, sy mandritra ny fifidianana izay atao ny alarobia 29 mey 2024 ny fivarotana zava-pisotro misy alikaola mmanerana ny tanin’ny repoblikan’i Madagasikara.
Nangonin’i RTT