Politique

Rabenjamina Willy, ny fahatongavan’izao faha 20 taonan’ny fikambananay izao. Nisy tamin’izany, hoy izy ny tsy fandriampahalemana teto amin’ny firenentsika. Nanjaka tamin’izany ny herisetra ho an’ny ankizy. Teo no nitsangana ny Tanora mbola ho beazina na Tambohobe. Nitsiry ny hevitry ny tanora hoe atao isika hivondrona hanao fanentanana mikasika ny herisetra atao amin’ny ankizy. Amin’izao faha 20 taona aty amin’ny taona 2022 izao dia tsy foana ilay herisetra fa vao mainka aza miharo habibiana toy ny hoe fakana maso. Heritrereto hoe ny zanakao no alaina ny masony. Mahatsiravina izany ary tsy fombantsika malagasy. Ao ny hoe manapaka mahalehilahin’ankizy. Tsy didimpoitra fa avy dia herisetra. Eo ny fanolanana. Rivotra inona no iainantsika eto Madagasikara? Izay no anton’ny fanentananay ho an’ny rehetra mihitsy satria mampalahelo ilay tanora, ankizy, zanaka. Aoka samy hitandrina hanara-maso ny zaza malagasy isika fa efa mandady ny trambo. Indrindra ny resaka rongony mahery vaika. Mitsofoka any amin’ny vakimparitra izao ny resaka fanindromana tanana amin’ireny. Ny mpanao vakisova amin’ny maha mpanao gazety an-kira azy no hitanay fa afaka mandika ny tranga rehetra any anaty fiarahamonina any amin’ny alalan’ny hira. Kantontsika malagasy ny vakisova, ny hiragasy, ny vakodrazana. Tsy natao hahamenatra ny mijery an’ireny. Ny sinoa sy ny japoney tsy manary ny kantony. Ny karana tsy manary ny kantony. Manentana antsika rehetra noho izany ho tonga eny Antanikatsaka Itaosy ny alatsinainin’ny Pentekosta 6 jona maraina. Ho avy ao ry Odyai, Spesialista, Gas’ta, José Satoub, Ravelo Jean Badista, Henemiah avy any Fianarantsoa izay hiangaly Horija betsileo sy ny maro hafa. Samy manana fomba fanaovany Sova ny isam-paritra eto Madagasikara ka ny dikan’izay dia antsika irery io. Tsy maintsy miverina an-doharano isika raha te handroso, hoy hatrany ny Tambohobe.
J. Mirija