Voarakotra nametrahana ny ekipa, hoy izy ireo, ny distrika maro manerana an’i Madagasikara. Hisy ny fihaonambe ho tanterahana ny 8 sy 9 septambra izao izay hiakaran’ireo tanora mpikambana rehetra manerana ny nosy eto Antananarivo. Tsy takona afenina ny toe-draharaham-pirenena. Misy afera tsy mety tafapoitra ny tena marina aminy nefa henontsika matetika. Voatery handray andraikitra hampandany kandida ny VTM. Hiara-dia amin’ny kandida mifanaraka amin’ny foto-kevitra ijoroanay izahay. Hanohana kandida ary hanao ny ezaka manontolo hampandany izany kandida izany izahay! Tsy tia ny hiverenan’ny tranga anatin’ny fitantanan-draharaha ankehitriny intsony izahay. Teboka miisa 13 no heno tamin’ny fampielezan-kevitra saingy eto Anosizato izao hatreto tsy mbola misy izany tetezana miantona na lalana maro zotra, izany hoe “flyover” izany. Mbola tsy afaka ny fitohanana. Ilay volamena tanaty kaofra nosoloina vy, hatreto mbola tsy fantatra hoe aiza na ahoana ny mahakasika azy? Ny volamena hafa tratra tany ivelany koa toy izany. Tsy te hiverenan’ny kitoatoa toy izany intsony izahay. Tsy mahay mametraka laharam-pahamehana ny fitondrana ankehitriny fa fisehosehoana no maha maika azy. Mampikaikaika ny fampidirana mpianatra nefa teleferika no maha maika azy. Vola tokony hanampiana ny ray aman-dreny alefa any. Vola tokony hanarenana ny JIRAMA koa toy izany. Mijaly ny tanora manangana orinasa. Tsy te hiverina amin’ny kitoatoa hitantanana firenena intsony izahay, hoy hatrany izy ireo.
J. Mirija
MAHANA TAMIN’NY NATAO Izay rehetra maneho hevitra hafa dia hanongam-panjakana ?
Nilatsaka ny sazy ! Voaheloka 10 taona an-tranomaizina miampy lamandy 60 tapitrisa Ariary
Misaora an’Andriamanitra isika fa manana harena ahafahana mampandroso ny firenena,
Taorian’ny filazana fa tsy ekena ny fanalam-baraka ny Firenena, namafisin’ny Prefen’Antananarivo Jeneraly Ravelonarivo Angelo Christian