Parution du Jeudi, 8 Juin 2023
Ny antoko marina, hoy izy, dia mifototra amina kolontsaim-pitondrana tena malagasy hitondrana ny tany sy ny fanjakana. Voaporofo teo amin’ny tantara fa ny fanjakana manaja izany no manan-kasina amin’ny vahoaka ary afaka mitondra fampandrosoana haingana ho an’ny firenena. Raha miresaka izany isika hoe fifidianana dia heverinay fa zava-dehibe ny fanaovana teny ierana. Misy lafin-javatra vitsivitsy rehefa mikarakara fifidianana. Voalohany dia hoe vonona ve ny mpiantsehatra politika? Vonona ve ny mpikarakara fifidianana? Mazava ve ny fitsipi-dalao fa indrindra, vonona ve ny vahoaka? Ny mpikarakara fifidianana izao mampiseho fahavononana fa hanao fifidianana amin’ny taona 2023. Ny tena olana izao dia hoe inona ilay fitsipi-dalao? Miainga amin’ny teny ierana eo amin’ny malagasy izany. Hay tsianjery ilay hoe mangarahara, madio, marina, eken’ny rehetra fa ny olana dia hoe hatao sa tsia ilay izy? Mankasitraka dinika ny antoko Marina na inona mety ho anarany. Tsy maninona raha mametraka olana ny hoe fikaonandoham-pirenena dia andao hatao hoe atrikasa. Atrikasa no nanaovana fanatsarana ny lalam-pifidianana ny taona 2017. Andao ary hanao atrikasa fanatsarana ny lalam-pifidianana mba hisian’ny fifidianana eken’ny rehetra satria rehefa mipetraka ny fitsipi-dalao eken’ny rehetra dia tsy misy antony intsony hitsipahana ny voka-pifidianana. Ny antoko Marina aloha mbola tsy voahasa tamin’ny hoe atrikasan’ny CENI izany. eo am-panomanana ny kaongresy nasionaly izahay ankehitriny. Fara fahatarany io amin’ny fiandohan’ny taona hoavy satria io no fahefana fara-tampony izay sady hanavaozana ny birao nasionalin’ny antoko izay efa tapitra ny fotoam-piasany fa eo ihany koa no ahafahan’ny antoko maka ny toerana politika misy azy manoloana ny toe-draharaham-pirenena ankehitriny. Raha manana kandida izahay dia amin’io no mety hanambarana izay na koa hoe mety hanohana olona ihany koa izahay. Eo no hamaritra ny lalan-jotran’ny antoko mandritry ny 5 taona indray, hoy hatrany izy.
J. Mirija
.jpg)
Mitohy ny fanalavam-potoana amin’ny fahafahana misoratra anarana anaty lisi-pifidianana, raha ny zava-misy amin’izao.
.jpg)
Hofaranana ny 10 jona izao ny lisitry ny mpifidy isaky ny distrika eto Madagasika, raha ny fandaharam-potoana nofaritan’ny CENI taorian’ny fifaranana vonjimaika tamin’ny fisoratana anarana ny 31 may lasa teo.
.jpg)
Nodimandry teo amin’ny faha-67 taonany omaly 07 jona 2023 tamin’ny 01 ora maraina Atoa Hary Naivo Rasamoelina, andrarezin’ny politika,
.jpg)
Nanome fanampiana an’i Ninie Donia ny Vehivavy TIM Analamanga tarihan’ny filohany, Arphine Rahelisoa omaly. Ny 20 mey lasa teo, nanao hetsika ho fitadiavam-bola ny Vehivavy TIM Analamanga
.jpg)
Mikasika ity raharaha fitsaram-bahoaka tany Lalazana Vohibato, Fianarantsoa, ity dia manameloka tanteraka izany izahay, hoy ny filohan’ny HAFARI malagasy, Jean Nirina Rafanomezantsoa.
Volan’ny seranan-tsambo na «port» 100 miliara iraimbilanja na 20 miliara Ariary no nanaovana ny Miami tapany voalohany na «1 ère tranche»,
