Politique

zay nisy aza nifanipaka toy ny atsimo sy avaratra. Ny mpitondra tenin’ny Filoha sady Talen’ny Seraseran’ny Fiadidian’ny Repoblika Rtoa Lova Ranoromaro indray no nanitrikitrika ny 24 jona lasa teo. Nandritra iny no nilazany fa «Malagasy ray sy reny ary mbola mizaka feno ny zom-pirenena malagasy sy manana fitiavan-tanindrazana ny filoha Andry Rajoelina. Notsiahiviny ny tenin’ny Filoha nilaza fa tsy misy afaka manala ny ra malagasy mikoriana ao anaty; ary porofoina amin’ny asa izany maha malagasy sy ny fitiavan-tanindrazana izany. Naverina hatrany, fa misy dingana tsy maintsy arahina sy hajaina vao afaka manala ny zom-pirenena malagasy amin’ny olona iray na olon-tsotra io na manampahefana, araka ny lalàna manan-kery. Ilay voakasika no mangataka hanary ny zom-pirena malagasy ary mila ankatoavin’ny Governemanta amin’ny alalan’ny didim-panjakana. Nambara noho izany fa adihevitra diso ny filazana fa tsy malagasy sy tsy mizaka ny zom-pirenena malagasy intsony ny Filoha Andry Rajoelina, ka tokony hajanona ny adihevitra tsy mitondra amin’ny fampandrosoana. Nampahatsiahy ny filazan’ny Minisitry ny Fitsarana tamin’ny resaka lalàna ity olon’ny Fiadidian’ny Repoblika ity. Voalohany amin’izany ny andininy faha 43 amin’ny Fehezan-dalàna momba ny Zom-pirenena malagasy izay milaza fa ny malagasy rehetra dia afaka mizaka zom- pirenena vahiny. Ny andiny faha 42 no milaza fa ny filoham-pirenena dia tsy maintsy mizaka ny zom-pirenena malagasy. Ny mikasika ny fahaverezan’ny zom-pirenena malagasy no teboka fahatelo. Raha manatevin-daharana ny Tafika vahiny ny olona iray dia manary ny zom-pirenena malagasy. Ankoatra izay, mila manao fangatahana ny hanary ny zom-pireneny ny olona iray; ary amin’ny alalan’ny didim-panjakana raisin’ny governemanta vao manan-kery izany. Notsipihiny fa tsy maintsy vakina miaraka ny andiny faha 42 sy ny faha 46. Mikasika ny fiantsoan’ny mpanao politika sasany ny olom-pirenena sy ny Tafika tsy hanaja ny rafitra misy amin’ny alalan’ny tsy fandraisana anjara amin’ny fankalazana ny fetim-pirenena dia mazava, hoy ny mpitondra tenin’ny Filoham-pirenena ny tenin’ny Sekreteram-panjakana miadidy ny Zandarimariam-pirenena teo anatrehan’ny loholona ny 20 jona fa mbola ny filohan’ny Repoblika ankehitriny, hoy izy, no filoha faratampon’ny Foloalindahy. Mandray sy manaraka ny baiko avy aminy hoy izy ny Tafika. Efa misy kosa ny sosotra any anatin’ny tafika amin’izao fotoana izao. Tsy hanaiky diso izany ny Fitondrana Rajoelina, ary tsy vao sambany ny tahaka izao. Tsy misy adihevitra ny maha Malagasy ny Ray sy ny Reniny, fa ny adihevitra dia ny endrika famadihan-tanindrazana tao anatin’ny fakany ny zom-pirenena Frantsay izay tsy nandehandeha ho azy. Samy manana ny handroritany ny lalàna ny rehetra, fa ny miharihary dia ny tsy fananan-dRajoelina etika sy fahintsiana, ary tsy hanaiky ho diso mandrakizay angamba raha tarafina amin’ny zavatra nataon’izy ireo niainga 2009?
Toky R