10 no toerana azon'ny Isika rehetra miaraka amin'i Andry Rajoelina (IRMAR), nahazo toerana 2 kosa ny Malagasy Miara-Miainga (MMM). Omaly dia nivoaka ny lisitr` ireo loholona notendren` ny Filoham-pirenena araka ny didim-panjakana lah. faha 2021-060 : Imbiki Herilaza, sekretera jeneralin` ny minisiteran` ny Fitsarana (Toamasina), Landy Mbolatiana Randriamanantenasoa, Hajaniaina Tahina Andrianandrasana. Marihana fa izy telo mianadahy ireto dia mpitsara avokoa. Manampy azy ireo i Jean André Ndremanjary na Iaban`i Kemba (Fianarantsoa), Richard Victor Tsiebo Mahaleo (Toliara), izay tale eo anivon` ny minisiteran` ny fanatanjahan-tena ary Richard Ramanambitana (Antananarivo), izay tale eo anivon` ny Kaominina Antananarivo Renivohitra. Raha ny loharanom-baovao dia nisy ny fivoriana omaly sahabo tamin` ny telo ora sy sasany hariva ka olona miisa 12 no noraisain` ny Filoha Rajoelina tetsy amin` ny lapan`Ambotsorohitra mialohan`ny nandraisany fanapahan-kevitra amin`ireo loholona hotendreny. Fantatra fa mifaninana ho filohan` ny Antenimierandoholona i Imbiki Herilaza sy Richard Ramanambitana. Tsy azo atao tsirambina ny fanendrena ny ho filohan’ny antenimierandoholona ity satria iankinan’ny politika ny fanjakana sy ny hahamarin-toerana azy. Tsikarotra kosa fa mihafy ireo olom-boafidy noho ireo olom-boatendry raha izany. Anio moa ny fivoriana manokana, araka ny didim-pitsarana lah. faha-01 HCC/AR tamin` ny 07 janoary 2021, etsy amin` ny Antenimierandoholona Anosikely, ka amin` ny talata 03 febroary izao ny fifandimbiasam-pahefana eo amin`ireo loholona roa tonta.
Marigny A.
Efa fiainana ilay miaraka amin’ny vahoaka, hoy ny kandida ho solombavambahoaka ao Manjakandriana, Dr Fidy Bariniaina.
Nivadika ny rasa, nanapa-kevitra ny tsy hanohana ny kandida solombavambahoaka avy amin’ny
Tsy hitondra fitoniana eto amin'ny firenena ny fifidianana kasaina hatao eto Madagasikara
Raharaha isan’ny mitana ny sain’ny maro ankehitriny ny nampidirana am-ponja an-dRtoa Ramalason Olga,
Mila averina ny hasin’ny fanabeazana eto Madagasikara, hoy ny antoko politika RCR-Tolona,
Mitohy ny fanamboarana ireo làlana mampitaraina ny vahoaka ao Ambohimanarina.