fifidianana sy fampifandraisana ny OSC misehatra amin’ny fanarahamaso ny fifidianana ary ireo mpisehatra hafa. Taorian’ny dinika natao tao Antaninarenina ny nandritra ny 2 andro, izay nikaonan-doha mikasika ny toedraharaha mialohan’ny fifidianana ary ny fanaraha-maso ny fifidianana niaraka tamin’ireo mpisehatra samy hafa. Atrikasa tafiditra ao anatin’ny tetikasa PARTICIPE izay mikendry indrindra ny « fandraisan’anjara mavitriky ny olom-pirenena amin’ny zotram-pifidianana mangaraharaha kokoa, andraisan’ny daholobe anjara ary tsy mitanila eto Madagasikara » io, tontosaina sy vatsian’ny Friedrich-Ebert-Stiftung Madagascar vola miaraka amin’ny Vondrona Eoropeana. Taorian’ny dinika, naneho ny ahiahiny amin’izao fiandohan’ny taom-pifidianana izay ilàna fandraisan’andraikitra haingana mba handrosoana amin’ny zotram-pifidianana ao anaty fangaraharana anjakan’ny rariny sy ao anaty fitoniana ny OSC. Mampatsiahy fa ilaina ny havaozina ny lalàna mifehy ny fifidianana (LORGER) mandritra ny fivoriana ara-potoanan’ny Antenimiera, indrindra ny mikasika ny fangaraharana sy ny loharanom-bolan’ny kandida ary ny famerana ny fandaniambolan’izy ireo amin’ny karazam-pifidianana rehetra ary mba hananan’ny Vaomiera misahana ny fanarahamaso ny famatsiambolan’ny antoko politika (CCFVP) sy ireo rafitra mpanaramaso sy mpanafay fahefana feno mba hisian’ny fitovian-jon’ny kandida rehetra mandritra ny vanim-potoanan’ny fifidianana ary ihany koa ny tsy hisian’ny fitanilan’ny fitondram-panjakana. Tokony ho ny karapanondrom-pirenena fotsiny ihany dia ampy hananan’ny olompirenena ny zony handatsa-bato,... Miantso ireo mpisehatra tsara sitrapo rehetra mba hiarahisalahy ho fampanjariana ny fitaizana ny vahoaka mikasika ny raharaham-pifidianana ka hifanome tanana amin’ny fanaraha-maso ny biraom-pifidianana manerana ny nosy amin’ny androm-pifidianana izy ireo, ary manao antso avo mba hisian’ny fandraisan’anjara fenon’ny daholo be,… Mangataka ny fanajana ny datim-pifidianana rehetra ihany koa ny OSC.
Toky R
Notanterahina omaly teny amin'ny Gara Soarano ny lanonana politika fametrahana samboady ireo
Mitady minisitra volamena tonga dia tsy kosehina intsony fa avy dia mitondra fahazavana
Tsy mahafaty ny mahatsikaiky! na koa hoe «Le ridicule ne tue pas!»,
Aiza sy nankaiza ny Filohan’ny Delegasionina manokan’ny Kaominina Antananarivo Renivohitra Atoa Ramanambitana Richard ?
Efa mitovy salan’isa amin’ireo tantsaha mpamokatra eto amintsika izany hoe :
Mbola vitsy ireo vehivavy misahana andraikitra ambony na miantsehatra eo amin’ny