Ny ankamaroan'ireo fihariana na ny marimarina kokoa ireo orinasa malagasy mihitsy, na madinika io na salantsalany, eny, lehibe dia efa saika mikaikaika ho mandia izay fotoan-tsarotra izay avokoa. 5 taona lasa no efa nanomboka heno izany fitarainana izany saingy ankehitriny, hoy ireo mpisehatra sasany, dia vao mainka hila hampitomany. Saika milaza azy ho tratry ny fihenam-pamokarana avokoa ny sehatra misy, indrindra, ireo manana fiankinana betsaka amin'ity angovo avy amin'ny Jirama ity. Miha tara ny fandraisam-bolan'ireo mpiasa mbola afaka misitraka izany atao hoe asa izany. Miverina heno toy ny tamin'ny fotoanan'ny krizy ara-pahasalamana indray koa aza ny resaka fanenan'ny orinasa sasany ny karaman'ny mpiasany. Mirongatra, mazava ho azy, ny tsy fisian'asa. Mihena ny famokarana. Mitotongana ny toekarem-pirenena. Mirongatra ny tsy fandriampahalemana. Hatramin'irony toerana fandraharaham-bola amin'ny alalan'ny finday na "cash point" irony aza efa mihorohoro andro aman'alina sao hisy hanafika ohatran'ny namany hafa indray. Mila fanavotana indray ny firenena! Mila ireo tena tia tanindrazana! Mila firaisankinan'ny tia tanindrazana.
J. Mirija
Mbola vao volana mey isika izao, saingy zava-doza ny fahatapatapahan'ny herinaratra,
Miteraka resabe amin’izao fotoana izao ny raharaha mikasika ny ben’ny tanànan’i Talata Volonondry
Misy zavatra hafahafa ihany amin’ny toe-draharaha politika eto amin’ny firenena tato ho ato izay.
Mitohy ny fihetsika hafahafa ataon'ny Filoham-pirenena izay tsapa sy tsikaritra
Nambara fa maro ny zavatra vita ao Nosy Be fa hapetraka ihany koa ny fanamby