Fitsipahana zom-pirenen-dRajoelina

hoy ny teo anivon’ny antoko politika Malagasy Miara Miainga na MMM omaly, noho ny tsy fizakany intsony ny zom-pirenena malagasy. Nametraka taratasy fampahafantarana teny amin’ny fitsarana ambaratonga voalohany eny Anosy ny avy eo anivon’ity antoko ity momba ny fisian’ilay didim-panjakana izay milaza fa mizaka ny zom-pirenena frantsay ny filoham-pirenena, Andry Rajoelina, ka tsy tokony hisitraka intsony ny “certificat de nationalité” malagasy. Fampahafantarana teny amin’ny fitsarana izay nataon’ny antoko ho fanairana ny sampam-pitsarana mba hampihatra araka ny tokony ho izy ny lalàna velona sy manankery. Isan’ny dingana ihany io omaly nataon’ny antoko io, raha ny fanazavana hatrany, fa mbola hiroso amin’ny dingana lalindalina kokoa izy ireo mahakasika ny fitsipahana ity mbola fanomezana zom-pirenena malagasy ny filoham-pirenena, Andry Rajoelina, ity.
J. Mirija