airtel

Politique

19-sept-2023

Foutsie Tsotsy

Eo ambany fanaraha-mason’ny fitsarana

Sample post image

Niakatra fampanoavana omaly I Sylvia Randriantsotsy na Foutsie Tsotsy taorian’ny fampanantsoana sy nitazonan’ny

19-sept-2023

mpitandro ny filaminana azy nanomboka ny takarivan’ny zoma lasa teo. Voalaza moa tamin’izany fa nampanantsoina tao amin’ny Toby Ratsimandrava, ary tao no nalaina nentina teny Fiadanana. Naharitra ora 4 tany ho any ny fihainoana azy tao amin’ny fampanoavana omaly, raha ny fanamarihana re. Voalaza fa nanda hatrany ny fiampangana azy ho nanao fiantsoana ny tafika hikomy na “incitation de révolte militaire” I Foutsie Tsotsy fa fanehoan-kevitra amin’ny handraisana andraikitra. Taorian’ny fihainoana azy, navotsotra ny tenany, saingy napetraka eo ambany fanaraha-mason’ny fitsarana na « sous-contrôle judiciaire », ka amin’ny 20 oktobra izao didim-pitsarana momba azy. Tsara ny manamarika fa sesilany antso avo, eny fa hatramin’ny fampitandremana aza mikasika iny fitazonana iny sy ny raharaham-pitsarana azy. Isan’ny nampiaka-peo ireo avy any amin’ny Sud Est izay naneho, fa handray fepetra raha toa ka misy ny fandetehana ny zanak’izy ireo. Naneho ny fanohanana azy mivantana na ankolaka ihany koa ny kandida ho filoham-pirenena sasany eo anatrehan’ny endrika fampitahorana sy fanenjehana ny mpaneho hevitra, kanefa betsaka ireo raharaha goavana iniana hikipiana.
Toky R
 

Dans la même rubrique

21-févr-2024

Niakatra fampanoavana indray i Mbola Rajaonah omaly 20 febroary 2024,

Card image cap
21-févr-2024

Raha mbola niziriziry ho tsy meloka Rtoa Romy Andrianarisoa Tale Kabinetra

Card image cap
21-févr-2024

Tao anatin’ny herinandro mahery no tsy teto an-tanindrazana ny Filoham-pirenena Andry Rajoelinan

Card image cap
20-févr-2024

Na hitodika amin’ny firenena iza isika na iza dia aza adino

Card image cap
20-févr-2024

Amiko tsy misy fitondrana vaovao eto fa ny teo aloha ihany

Card image cap
20-févr-2024

Saika feno mponina fadiranovana ireo tanàn-dehibe !

Card image cap