airtel

Politique

11-janv-2023

Politique

Gadra politika Marary mafy i Rolly Mercia…

Sample post image

Niparitaka omaly ny resaka nilaza fa tena niharatsy tanteraka ny fahasalaman’Atoa Harry Laurent Rahajason na Rolly Mercia izay mpanao gazety sy efa Minisitry ny serasera teo aloha.

11-janv-2023

Ny tenany izay tsiahivina fa nosamborina sy naiditra am-ponja nanomboka ny 16 jolay 2020. Notondroina ho tao ambadiky ny hetsi-pitakiana ny famoahana an’i Berija Ravelomanantsoa teny Ambohipo ny 13 jolay 2020. Nenjehina ho manohintohina ny filaminana anatin'ny firenena, ary nohelohin’ny Fitsarana ambaratonga voalohany higadra 44 volana an-tranomaizina sazy mihatra ny 15 oktobra 2020. Nanao fampakarana ny mpisolovava, saingy tsy nahazo rariny izy fa mbola nohamafisin’ny fitsarana ambony io sazy io tamin’ny volana may 2021. Voalaza anefa fa efa nibaboka sy nanatsoaka an’I Rolly Mercia ho tsy tafiditra amin’ilay raharaha tetsy Ambohipo ilay tovolahy voalaza fa nasaina nanonona ny anarany. Tetsy andaniny, nisy ihany koa ny raharaha ampamoaka samihafa nataony niresaka aferan’ny mpitondra ankehitriny, ny nijoroany ho vavolombelona mikasika ny raharaham-pitsarana momba ny mpandraharaha mantanjaka iray tany amin’ny Fitsarana Frantsay, izay voalaza fa efa nasaina notsoahiny ho tambin’ny fahafahany, kinanjo tsy izay no nitranga. Io no heverina fa isan’ny mbola handetehana azy sy tsy maha afa-bela azy mandrak’ankehitriny satria tena olona henjana eto amin’ny firenena no voalaza fa sosotra taminy. “Henoko fa miharatsy ny toe-pahasalaman’ny Minisitra teo aloha, tazonina am-ponja noho raharaha politika azo iadian-kevitra. Lavin’ny governemanta anketrihiny ankitsirano ny famelana azy hanaraka fitsaboana araka ny tokony ho izy. Ny lonilonareo sy ny fankahalana hatramin’ny tsinaimainty ny mpiray tanindrazana dia tsy hahasoa anareo Tompokovavy sy Tompokolahy. Tompon’andraikitra feno raha maninona na maninona io olona isan’ny Malagasy tena manana ny maha izy azy io”, hoy ny fanehoan-kevitr’Atoa Roberto Sambahita tao amin’ny tambajotran-tserasera nataony tamin’ny teny vahiny ary nadika malalaka tamin’ny fiteny Malagasy. “Marary mafy Rolly Mercia! Fitondrana feno fankahalana tsy mijery ny maha olona no mpanapotika fiainan’olona. Hanenenanareo atsy ho atsy ny ratsy vitanareo teto amin’ity firenena itty. Vonoina ankolaka ho faty mihitsy ilay olona satria mahalala “secret”-nareo mianankavy. Tsarovy fa tadidinay vahoaka ianareo rehetra ireo ary samy hotsarain’ny tantara eto”, mpandraharaha Malagasy miasa sy monina any France, raha ny fahafantarana azy.
Toky R
 

Dans la même rubrique

24-avril-2024

Nampanantsoina teny anivon’ny tendrom-pitsarana misahana ny ady amin’ny kolikoly na ny PAC (Pôle anti-corruption) 67ha,

Card image cap
24-avril-2024

Tsy misy intsony ny Fanjakana tan-dalàna ka mijoro ireo mpahay lalàna sy avara-pianarana sy ny vato

Card image cap
24-avril-2024

Namoaka tatitra ny depiote Rahasimanana Paul Bert na Rossy omaly,

Card image cap
24-avril-2024

Hanomboka ny datin’ny 08 ka hatramin’ny 27 Aprily ho avy izao ny

Card image cap
24-avril-2024

Tao anatin’ny hetsika fotsy aho ary mbola anatin’ny fanoherana, hoy ny kandida ho depiote,

Card image cap
24-avril-2024

Novorian’ny Governora Guy Ramarosandratana ireo staff-n’ny faritra Mangoro sy ny Birao politika TGV-Distrika Ambatondrazaka ny takarivan’ny 19 aprily teo.

Card image cap