airtel

Politique

01-mars-2023

Politique

Gérard Ramamimampionona “Isika samy malagasy mihitsy izao no mampihorohoro”

Sample post image

Na eo aza ny resaka Wagner sy teratany vahiny miditra an-tsokosoko eto amin’ny firenena dia isika samy malagasy mihitsy izao no lasa mampihorohoro,

01-mars-2023

hoy ny filoha lefitry ny filankevitry ny fampihavanana malagasy teo aloha, Gerard Ramamimampionona. Manjary very fanahy isika dia lasa biby, hoy izy. Adalantsika ny manary ny fahendrena avy amin’ny soatoavin’ny fihavanana maha malagasy antsika, ny fanajana ny hasin’ny aina iombonana ka niaraha-mamelona sy miaro ka lavitry ny fitiavan-tena fa nikatsaka hatrany ny soa iombonana, ny fampanjakana ny fifanajana sy fahamarinana fa Andriamanitra an-tampon’ny loha, ny fankamamiana ny firaisankina sy fifanomezan-tanana, ny fifampitsimbinana. Tsy misy fialonana na halako bika tsy tiako tarehy ny fandalana ny teny ierana sy ny hevitry ny maro mahataka-davitra ka nifanaja sy nifampihaino mandrakariva. Ny fahaverezan’izany rehetra izany no tena mampihorohoro ka manamora sy mampahazo vahana ary manamora ny asan’izay mety ho fahavalo mety miditra na hampidirina eto amintsika sanatria. Isika ihany no namotika sy mamotika ny maha malagasy antsika ka mamotika ny firenentsika. Rehefa misara-bazana noho ny fitiavan-tena, ny fitiavam-bola sy harena tafahoatra, ny fitiavam-pahefana sy voninahitra, ny ambom-po diso toerana ka mifampifahavalo. Na oviana na oviana ary na iza na iza fahavalo miditra eo amin’ny fiarahamonina tena malagasy miray sy mihavana dia hiala maina. Ny fisian’ny malagasy jamba miala amin’ny fahendrena sy soatoavina noho ny fitiavam-bola, harena, voninahitra, fahefana no maha mora ny fidiran’ny fahavalo eto ary ireny mihitsy aza no ampiasainy hampifandrafy antsika bebe kokoa dia hahantra lava eto isika, hoy hatrany ny tenany. J. Mirija
 

Dans la même rubrique

24-mai-2024

Ao anatin’ny kihon-dàlana faramparany amin’ny fampielezan-kevitra isika amin’izao fotoana izao,

Card image cap
24-mai-2024

Miha milentika amin’ny lafiny maro ny firenena. Mitombo ny fahasahiranan’ny vahoaka Malagasy noho ny tsy fahombiazan’ny mpitondra.

Card image cap
24-mai-2024

Hirarakopana indray atsy ho atsy ny fivoahana any ivelany ataon’ny Filoham-pirenena

Card image cap
23-mai-2024

Nanomboka omaly alarobia 22 mey ny andrana ho an’ny fitaterana an-tariby na TPC na «

Card image cap
23-mai-2024

Nandefasan'ny Minisiteran’ny Serasera sy ny Kolontsaina na ny MSK taratasy fakatonana ihany

Card image cap
23-mai-2024

Vaovao politika nafana tao Manakara ny nanambaran’ireo kandida roa dia i Tidjy Wai N°5 sy Tanjona N°2

Card image cap