Politique

 fa efa tamin’ny volana novambra 2020 no nanatrehany izany farany. “Toa korontana ambony ambany na ny minisitry ny angovo aza efa tamin'ny novambra no nanatrika filankevitry ny Minisitra farany. Ny Praiminisitra efa kamo, « gestion au jour le jour », tsy fantatra hoe haninona tsy fantatra hoe mankaiza. Ahoana ny PEM ilay nitoriana ahy tamin'ny 2019 noteneniko hoe soloky toa tsisy tokotaniny, tsy nahazo fankatoavana tamin'ny Mpiara-miombon’antoka ara-teknika sy ara-bola (PTF), tokony natao fampahafantarana ny janoary teo (efa fanindiminy raha tsy diso aho). Mbola misy vola ve ao amin'ny tahirimbolam-panjakana? Tsy voaloa ny “indemnité de requisition » an’ny mpiasan’ny fahasalamana, tsy voaloa ny vatsim-pianarana, ny « organisme rattaché » rehetra ankoatry ny tetibola mahaleo tena mitaraina daholo fa tsy voaloa ny karama hatramin'ny janoary, misy hatramin'ny aogositra 2020 », hoy ny ampahan’ny fanehoan-kevitr’io mpandinika ara-politika io. Tsy nisy ny tena fandisoana sy fanazavana ofisialy na fanazavana tamin’ilay resaka minisitra tsy manatrika filankevitra. Re fa tsy salama ny Minisitra Christian Ramarolahy, ary manaraka eto an-toerana.
ANDRASANA NY FANAZAVANA OFISIALY
Marihina etoana, fa loharanom-baovao tsy ofisialy io, ka andrasana na hisy fanazavana ofisialy mandiso na manamarina an’izany ataon’ny Governamanta satria tena mangina tanteraka ny Fanjakana. Sanatria miditra amin’ny fiainan’olona manokana toy ny resaka tsy fahasalamana ary mirary fahasalamana feno ho an’ity Minisitra ity raha izay tokoa ny zava-misy, fa kosa amin’ny olona ambony manana andraikitra lehibe eto amin’ny firenena no mampametra-panontaniana hoe : aiza marina izy no tsy hita firy intsony? Raha mitombona io, inona no tsy maintsy hitazonana azy amin’ny toerany raha toa ka efa am-bolana tsy afaka manatrika filankevitry ny minisitra tokoa? Tena mbola afaka manao ny asany ve ny minisitry ny angovo izay efa ela tsy hita tabilao? Raha mijery ny vaovao sy ny sary amin’ny zavatra ataon’ny Fanjakana tokoa aloha, dia efa ela no tsy tazana firy ity minisitra ity. Tsy mbola nahazoana vaovao kosa hoe hiala sa tsia, fa raha ny siosion-dresaka dia voalaza fa tsy mety misy mandray ny fametraham-pialany.
Toky R