hoy ny filoha nasionalin'ny antoko politika Malagasy Miara Miainga, Hajo Andrianainarivelo, nitsidika an’i Farafangana, faritra Atsimo Atsinanana. Mila politika sahisahy ny fitantanana ny firenena ary ilaina ihany koa ny fanomezana fahefana ireo olom-boafidy sy olom-boatendry isan-tokony, hoy izy. Iray amin'ireo vinan'ny Malagasy Miara Miainga ny hametraka ny fitsinjaram-pahefana ho foto-pisainana sy fomba fiasa ampandraisana anjara ny mpisehatra rehetra eny ifotony. Mila hajaina ny lalana mba hipetrahan'io fitsinjaram-pahefana io. Isan'ny vato misakana amin'ny fampandrosoana ny firenena matetika ny fisian'ireo olom-boatendry isan-tokony toy ny governoram-paritra izay tsy voafidim-bahoaka ka ireto farany indraindray izay tsy mahalala ny tena filana eny ifotony, hoy hatrany izy. Nitohy tao Mananjary ny fitsidiham-paritra. Miantoka ny fampandrosoana ny firenena sy ny fampivoarana ny toe-piainan'ny vahoaka malagasy tsy vaky volo ny fitsinjarana ara-drariny ny volam-panjakana sy ny fanamafisana ny fahaiza-manao eny ifotony, hoy izy tao Manakara. Fototra iray lehibe tsy nampandroso ny firenena ny fanaovana tantely afa-drakotra ny volam-bahoaka. Teboka lehibe ahafahana mitondra fampandrosoana ny firenena ny fametrahana mazava ny fitsipika mifehy ny fitantanana ny volam-panjakana eo anivon'ny sampandraharaha isan-tokony, hoy hatrany izy. Nihaona tamin'ireo mpikambana eo anivon'ny antoko ao anatin'ny faritra sy ireo olom-boafidy ary ireo tangalamena sy olo-be tao an-toerana koa moa ny tenany, hoy hatrany ny fampitam-baovao.
J. Mirija
Mitohy ny fanalavam-potoana amin’ny fahafahana misoratra anarana anaty lisi-pifidianana, raha ny zava-misy amin’izao.
Hofaranana ny 10 jona izao ny lisitry ny mpifidy isaky ny distrika eto Madagasika, raha ny fandaharam-potoana nofaritan’ny CENI taorian’ny fifaranana vonjimaika tamin’ny fisoratana anarana ny 31 may lasa teo.
Nodimandry teo amin’ny faha-67 taonany omaly 07 jona 2023 tamin’ny 01 ora maraina Atoa Hary Naivo Rasamoelina, andrarezin’ny politika,
Nanome fanampiana an’i Ninie Donia ny Vehivavy TIM Analamanga tarihan’ny filohany, Arphine Rahelisoa omaly. Ny 20 mey lasa teo, nanao hetsika ho fitadiavam-bola ny Vehivavy TIM Analamanga
Mikasika ity raharaha fitsaram-bahoaka tany Lalazana Vohibato, Fianarantsoa, ity dia manameloka tanteraka izany izahay, hoy ny filohan’ny HAFARI malagasy, Jean Nirina Rafanomezantsoa.
Volan’ny seranan-tsambo na «port» 100 miliara iraimbilanja na 20 miliara Ariary no nanaovana ny Miami tapany voalohany na «1 ère tranche»,