airtel

Politique

24-avril-2023

Politique

Jerosalema Nihaona tamin’ny Praiminisitra Israeliana i Siteny R

Sample post image

Nihaona tamin’ny praiminisitra Israeliana Benjamin Netanyahu sy ny minisitry ny fitaterana Miri Miriam Regev tany Jerosalema ny faran’ny herinandro teo i Siteny Randrianasoloniaiko

24-avril-2023

Fotoana nahafahana nifanakalozana hevitra sy niresaka momba an’i Madagasikara sy ny vahoaka Malagasy, ary nahatsapana, hoy i Siteny R fa namana ary eo anilan’i Madagasikara hatrany ny praiminisitra Netnanyahu . Anisan’ny votoatin-dresakay, hoy ny mpitarika ny « Mihava Tour » ny momba ny ho avin’i Madagasikara, ny fanampiana eo amin’ny resaka fananganana fotodrafitr’asa satria dia anisan’ny henjana sy tena manana traikefa amin’izany ny Israeliana.Manome tsirim-panantenana goavana ho ahy ny amin’ny ho avy ity fihaonana teto Jerosalema ity hoy i Siteny Randrianasoloniaiko. Hita ho manamafy ny toerany eo amin’ny fifandraisana iraisam-pirenena i Siteny R, izay filohan’ny Africa Judo Union no sady filoha lefitry ny federasionina iraisam-pirenen’ny Judo. Anisan’ireo mpanao politika efa tsy vahiny intsony eo amin’ny fifandraisana iraisam-pirenena izy ary heverina fa mahalala tsara hoe iza sy iza no mpiara-miombon’antoka hiaraha-miasa amin’ny sehatra izao sy izatsy. Inoana fa tsy resaka tampotampoka ihany koa ny fihaonana avo lenta tahaka izao fa misy dikany manokana, Israely izay firenena tena manana maha izy azy eo amin’ny fifandraisana iraisam-pirenena sy ny fiainana ary ny tantaran’izao tontolo izao mihitsy . Raha eo amin’ny politika dia misongadina izany aloha i Rahozatse, ary voany tamin’ny kely foana ny filoha Rajoelina, izay tany Jerosalema ihany saingy tsy tafahaona tamin’ny praiminisitra Israeliana. Marina fa hoe nihaona tamin’ny filoha Israeliana izy, saingy ny praiminisitra sy ny governemanta ary ny parlemanta no tena mitondra ny baolina any amin’ity firenena ity fa mipetraka ho ray amandreny fotsiny ihany ny Filoha. Tsara ho marihana fa ny desambra 2022 dia efa nihaona tamin’ny Ehud Olmert, praiminisitra Israeliana teo aloha ary en’ny tanànan’i Jerosalema ihany koa i Siteny Randrianasoloniaiko.
Nangonin’i RTT

 

Dans la même rubrique

18-juin-2024

Naharesy ny fitondrana dia mampitandrina amin’izay hoe tena nisy demokrasia teto,

Card image cap
18-juin-2024

Mifanindry tanteraka amin’ny fankalazantsika ny fetin’ny fahaleovantena ny iray volan’ny teny malagasy,

Card image cap
18-juin-2024

Fomban’ny mpanao politika ny manakarama olona hampiaka-peo hoe izahay no tompon’ny fahamarinana,

Card image cap
18-juin-2024

Miandry ny famoahan’ny HCC ny vokatra ofisialy, io no mamaritra ny tanjaka politika,

Card image cap
18-juin-2024

Mitohy ny fanatsikafonana ireo heverina fa tsy fanjariana tao anatin’ny fifidianana

Card image cap
18-juin-2024

Mampiteny ny moana ny fitarainana avy amin’ny lafivalon'ny Nosy manamafy fa tsy misy nandeha

Card image cap