Politique

ny Kohen Rivolala raha naneho hevitra momba ny toe-draharaham-pirenena ny tenany omaly!olom-bitsy hoy izy no migalabona sy manao ampihimamba ny harem-pirenena sy toe-karena ka zary mampilentika lalina ny fiainam-bahoaka tsy mandady harona. Tsy misy tsy mikaikaika momba ny vidim-piainana,ny tsy fandriam-pahalemana,ny faharatsian-dàlana manerana ny Nosy,ny tsy fisian'asa hoan'ny tanora sns.. ny rehetra hoy izy. Potika i Madagasikara hoy i Kohen Rivolala ,mila manova mpitondra mihitsy isika raha tiana ny hanarina izany rehetra izany araka ny nambarany nanoloana ny mpanao gazety! Amin'ny alalan'ny fifidianana madio sy eken'ny rehetra ihany anefa no lalana hahatongavana amin'izany hoy izy.
AVELAO HALALAKA
Vao tsy manomboka akory anefa ny lalao hoy ity Filohan'ny Antoko politika CCDM ity dia efa miharihary ny lalao maloton'ny mpitondra amin'ny fanakan-tsakanana ireo heveriny fa ho mpifanandrina vaventy aminy toa ny Filoha teo aloha Ravalomanana Marc sy ry Siteny Randrianasoloniaiko mbamin'ireo kandida hafa,avelao halalaka ny rehetra amin'ny fanehoan.-kevitra hataony hoy Kohen raha tena sahy hiatrika fifidianana madio sy eken'ny rehetra marina ny Filoha Rajoelina! Na ny CENI sy ny HCC aza mantsy hoy izy dia efa nilaza fa azo ataon'ny rehetra ny maneho hevitra malalaka rehefa tsy miteny fotsiny hoe " Fidio aho na oe Fidio i Rakoto na Rabe"!koa nahoana no nasaina namoaka didy ny Minisitry ny ati-tany hanakantsakana ny sasany ankoatry ny mpitondra amin'izao fotoana hoy ny Kohen Rivolala!? Tokony hovàna mihitsy ny lalam-pifidianana misy ankehitriny ka hatao hahafahan'ny rehetra mirotsaka malalaka sy hanana vintana holany ka raha izay no tanteraka dia na ny tenako aza mazoto hirotsaka ho kandida Filoham-pirenena hoy hatrany ity mpitarika Antoko politika ity!Fa raha izao rafitra hitantana ny fifidianana amin'izao fotoana izao no tsy miova hoy ny Kohen dia aleo tsy mandany vola akory hirotsaka fa mbola hanjaka indray ny hala-bato ka ny mpitondra amin'izao fotoana ihany no hoterena holany eo amin'ny fomba rehetra!Tsy vitan'ny politika politisiana intsony anefa ny fitantanana ny firenena raha ny heviny fa mila olona mahalala tsara ny tontolo ara-panahy sy ny nentim-paharazana raha te ho tafavoaka isika.
Pati