airtel

Politique

20-nov-2023

Kolikolim-pifidianana

Manamafy ny ahiahy ny filaharam-be hitaky vola

Sample post image

Ambohimangakely, Andranomanalina, Mahajanga,… no isan’ny nahitana fitangoron’olona teny

20-nov-2023

amin’ireo ivon-toerana nisahana ny fandrindrana sy fanentanana ny propagandin’ny kandida laharana faha-3 Andry Rajoelina ny sabotsy teo. Tena nitangorona izay tsy izy ny olona, izay voalaza fa tonga hitaky ny voalaza fa tambiny nampanantenaina azy ireo ho sandan’ny fandrotsaham-bato ho an-dRajoelina. Misy ny milaza fa 300 000Ar izy io. Nifamahofaho tanteraka moa ny resaka teo anatrehan’ny resaka karatra hahazoana vola, izay voalaza fa amin’ny alalan’iny no ahafahana manao izany. Manamafy hatrany ny ahiahy momba ny kolikolim-pifidianana avo lenta. Tsara rahateo no mampahatsiahy, fa efa nisy ny kazarana tatitra samihafa nataon’ny Firaisamonim-pirenena toy ny Transparency International izay naneho ny ahiahy samihafa. Tahaka izany ihany koa ny KMF/CNOE izay nitatitra ireo tranga sy ahiahy maromaro toy ny fanangonana kara-pifidianana sy fanomezana rambon-taratasy kely voalaza fa hahafahana maka ny tombotsoa toy ny fisitrahana tosika fameno na vatsy tsinjo,… Mitombo hatrany ny ahiahy maneho fa milafika eo ambony tsy fahamarinana sy kolikoly ny fifidianana, milafika eo ambony fanararaotana ny fahantran’ny vahoaka Malagasy hatao fitaovana hiakarana eo amin’ny fahefana,… Raha raisina amin’io 300 000Ar io zaraina amin’ny fotoam-piasan'ny Filoha 5 taona na 1825 andro dia 164 ariary isan’andro izany ny sandan’ny safidy. Kajy tsotsotra io mba hisaintsainantsika hoe zava-doza ny fividianana safidy, tsy manatsara ny fiainana, tsy mampandroso,... Mety ho kajy ambony aza io 300 000Ar io, fa azo heverina ny hoe : 20 000Ar na 30 000Ar no vidian-dafo anatin’ny dimy taona. Tahaka izany ihany koa ny fizarana zavatra samihafa, izay mety ho takalon’ny harem-pirenena aoriana. Asa izay ho fanazavana ofisialin’ny lohandohan’ny mpisorona eo anivon’ny Volomboasary fa ny sary hita sy niseho ary nohamafisin’ny olona aloha dia mitaky ny fampanantenana azy izy ireny ?
Toky R

 

Dans la même rubrique

13-juin-2024

Matoa ny olona nisoratra anarana tanaty lisi-pifidianana, hoy ny antoko politika FLN na Front de libération national,

Card image cap
13-juin-2024

Isak’izay mihetsika izao dia mifampiapanga lava isika malagasy hoe mpangalatra,

Card image cap
13-juin-2024

Ny ampitson’ny famoahana vokatra vonjimaikan’ny fifidianana solombavambahoaka nataon’ny CENI omaly.

Card image cap
13-juin-2024

Eo am-piandrasana ny voka-pifidianana raikitra avy amin’ny HCC,

Card image cap
12-juin-2024

Toerana 163 no hiadiana ao Tsimbazaza, ka 79 ho an’ny IRMAR manome ny salan’isa 48,47%,

Card image cap
12-juin-2024

Nivoaka tamin’ny fahanginany omaly ireo solontenan’ny mpanohana ny kandida solombavambahoaka tao Ambatofinandrahana, Christine Razanamahasoa.

Card image cap