Politique

fa miankina amin’ny vola sy ny fanambazana amin’ny endriny samihafa. Lasa voafidin’ny t-shirt, vola, artista ny olom-pirenena hany ka na ilay hevitry ny hoe: “fampielezan-kevitra” aza lasa miova ho “fampielezam-bola”, lasa tsy fifidianana intsony fa fividianana. Lasa izay be vola sy mahatolotolotra no manana herijika ho lany, avy eo tsy misy tamberin’andraikitra firy intsony fa toa efa vita tamin’ny domy tapany handoa erany ny vahoaka satria mety voavidy ny safidiny, hany ka fihemorana no hita ao anatin’ny fe-potoana iasana mandritra ny 5 taona eo satria tratry ny domina tapany handoa erany ny Malagasy. Zary hararaotina amin’ny fahantrany ihany koa, ka mora ny mandrebireby azy sy mividy ny safidiny amin’ny zavatra tsy manao mahavita taona. Eo anatrehan’izany, tokony havadika ho asa misy vokany ny ady amin’ny kolikoly fa tsy hatao fitaovana fotsiny hoenti-mandresy lahatra amin’ny fifidianana. Isan’ny manipika mafy an’io ny Transparency International Initiative Madagascar eo anatrehan’ny kolikolim-pifidianana miseho amin’ny endriny samihafa. Amin’ity taona 2023 ity, hiatrika fifidianana isika, ka isan’ny manipika mafy ny hiadiana amin’ny kolikolim-pifidianana io fikambanana io. Anisan’ny làlana heveriny fa hahafahana mizotra amin’izany ny fandaniana lalàna mikasika ny famerana ny vola laniana amin’ny propagandy sy ny fangaraharan’ny loharanom-bolan’ny antoko politika politika. Tahaka izany ihany koa ny fandaniana lalàna mikasika ny zon’ny olom-pirenena rehetra hahazo vaovao sy ny fiarovana ireo mpiaro ny zon’olombelona sy ny mpisintona lakolosy, izay tokony ho laharam-pahamehana raha ny hevitr’io fikambanana io hatrany.
Toky R