tia tanindrazana

Parution du Mercredi, 28 Septembre 2022

airtel

Politique

Mampiaka-peo ny Zanak’Antesaka “Atsaharo ny fanaratsiana ny zanakay ao anaty Governemanta”

Nivoaka tamin’ny fahanginany ny Zanak'Antesaka manerana an'i Madagasikara tarihin’ny Filohany Atoa Randrianambinina Ephraïm eo anatrehan’ny ambaran’izy ireo fa resabe iniana ahely etsy sy eroa,

15-déc-2021

Sample post image

 ary anaty tambazotra sosialy hisontonana fomba fijery feno fankahalana sy fitanilanana atao amin’ny zanakin’izy ireo dia Ramatoa Haingosoa Hortencia Antoinesie Minisitra lefitra misahana ny fandrakofana ala an'i Madagasikara. Nisaotra ny Filoha mba nanendry Antesaka tokana ao anatin'ny governemanta tao anatin'ity fisasahan’ny fe-potoana iasana ity izy ireo. « Efa saika tsy nananana aza izahay ary koa mbola Minisitra leefitra izany fa dia ankasitrahanay hatrany ny Filoha mba tsy nanadino an'i Vangaindrano izay nanohana anao tamin’ny salan'isa 72% tamin’ny Fifidianana lasa teo. Matoa nampidirina ao anaty governemanta io Zanakay tokana dia hiasa ho an'ny tanindrazana izy izay, ary manana andraikitra goavana hotanterahina eto amin’ny firenena dia ny handrakotra ala an'i Madagasikara, koa dia manohana azy ary mankahery azy amin’izany andraikitra sahininy izany izahay Zanak'Antesaka iray Razana aminy eto amin’ny Nosy sy ny Firenena, izay manana « majorité absolue » eran'ny distrika 119 manerana an'i Madagasika na dia mafy ihany aza ny toe-javatra iainany ao anatin'io Minisitera io sy ny Tsindry ara-moraly iainany sy mihatra aminy amin'ny fanatanterahanany izany asany izany izay efa tsy takona afenina intsony », hoy izy ireo. « Efa nanome anay ihany ianao Andriamatoa Filoha Andry Rajoelina, ary tsy nanadino anay nanohana anao hatramin’izay, koa raha sitrakao Tompoko, dia mba miangavy anao izahay hanomezana an'io Minitra lefitra io ny « moyens nécessaires» rehetra entiny manatanteraka antsakany sy andavany ireo asa sy andraikitra rehetra nankininareo taminy tahaka ireo minisitra lefitra namany sy ireo sekreteram-panjaka ireo izay mizaka tena tanteraka fa tsy tsindritsindriana sy ambanimbanian'olona lava tahaka izao henonay sy hitanay amin’ny haino aman-jery isanandro izao noho ny filazany ny marina sy ny zavatra maharary azy satria dia maharary anay ihany koa ny maharary azy Tompoko », hoy ny antso avo. « Tany misy olobe tsy miady zaza », ka niangavy ihany koa izy ireo ny handaminan’ny Praiministra ny disadisa misy amin’ny maha Lehiben'ny Governemanta satria izy no Raiaman-dRenin'izy ireo, ary samy hanaovana tomban'ezaka ka samy hiaro ny asany avy eo anivon'ny Parlemanta roa tonta.

Toky R

 

Dans la même rubrique

Card image cap
Miralenta ho an’ny fanaovana politika 75% amin’ny Malagasy no mankasitraka…
28-sept-2022

Nitondra ny tatitry ny fanadihadiany mikasika ny fitantanana, ny demokrasia, ary ny fiainana ara-tsosialy eto Madagasikara, niainga tamin’ny lohahevitra roa lehibe dia ny “Miralenta” sy ny “Fiarovana ny zon’ny ankizy”.

Card image cap
Pimaso amin’ny mpamatsy vola Hiara-hiasa ny Minisiteran’ny vola sy ny Bianco
28-sept-2022

Notanterahina androany 27 septambra 2022 teny amin’ny Trano Fivorian'ny Plan Anosy ny famoahana amin’ny fomba ofisialy ny Politika Anatiny Iadiana amin'ny Kolikoly ho an'ny Ministeran'ny Toekarena sy ny Fitantanam-bola (MEF).

Card image cap
Depiote Fetra Ralambozafimbololona “Hiverina amin’ny fanoherana tsy ho ela ireo”
28-sept-2022

Voasakantsakana ny antoko politika Tiako I Madagasikara na TIM raha nanao fampiratiana an-tsara ny tantarany noho ny tsingerintaona faha 20 tany Mahajanga,

Card image cap
Fitantanana ny firenena Efa tena Fanjakan’i Baroa no misy eto
23-sept-2022

Mbola tany misy Fanjakana ihany ve eto sa izao ilay antsoina hoe: Fanjakan’I Baroa? Ny volan’ny Tahirim-pirenena ho an’ny fiahiana ara-tsosialy na ny CNaPS toa natao tantely afa-drakotra ka ny

Card image cap
Rivo Rakotovao “Efa ny Banky foibe angamba no vaky vao ho taitra ?”
23-sept-2022

“Malahelo satria olona efa any am-ponja 4 taona ve dia manao “atteinte à la sûreté intérieur de l’Etat”? Mbola ilay zandrinay ihany ve no lazaina fa manongana ity Fanjakana ity, Fanjakana matanjaka be io.

Card image cap
Fampandrosoana Mifampiankina ny toekarena sy ny fifandraisana iraisam-pirenena
23-sept-2022

Azo lazaina ho mbola mifehy ny toekaren'izao tontolo izao ireo firenena miisa 8 matanjaka indrindra eto ambonin’ny tany ao anatin’ny antsoina hoe G8.

Voir plus