airtel

Politique

08-mars-2023

Politique

Manahy krizy ny firaisamonim-pirenena Miantso ny FFKM hitarika fifampiresahana

Sample post image

Namoaka fanambarana iraisana ny Firaisamonim-pirenena manodidina ny 20 isa omaly 07 martsa 2023,

08-mars-2023

ka navoitran’izy ireo ny fametrahana fanovana tsy azo ihodivirana alohan'ny fifidianana 2023 ahafahana misoroka krizy vaovao. Efa anatin'ny taom-pifidianana tanteraka isika ankehitriny, saingy tsy mbola azo antoka ny filaminan’ny fizotrany. Na dia teo aza ireo fampitandremana samihafa efa natao, rehefa nakana lesona ny tranga niainana teo aloha, maro ireo ahiahy mbola mipetraka mikasika ny fifidianana filoham-pirenena, hoy izy ireo. Eo ihany koa ny tsy fahampian'ny serasera manodidina ny fifidianana kaominaly sy monisipaly,… Noho izany, mamporisika ny fametrahana sehatra fifanakalozan- kevitra miasa anaty fahamarinana sy mampandray anjara ny rehetra izy ireo, hahafahana mamantatra miaraka ny tena olana misy, sy ny vahaolana izy ireo. Mangataka ny mba hitarihan'ny FFKM io fifampiresahana io, ka hanasány ny tompon'andraiki-panjakana (Mpanatanteraka, Mpanao lalana, Mpampihatra lalána) ny antoko politika sy ny mpisehatra ivelan'ny Fanjakana (Firaisamonim-pirenena, sendika, seha-pamokarana tsy miankina, Fikambanana ara-pinoana) hiara-handinika ny vahaolana tsy miangatra. Toy izao ny soso-kevitra tetiandro naroson’izy ireo hanatanterahana izany (2023): Fifanakalozan-kevitra eo amin'ireo mpisehatra rehetra (fivoriana voalohany) amin'ny volana martsa; Famolavolana ireo fanovana hatao amin'ny lalam-pifidianana ny volana aprily; Fametrahana izany eo anivon'ny Governemanta sy ny Antenimiera ny volana mey; Fanitsiana ny Lalana mifehy ny tetibolam-panjakana ampidirana tetibola ampy hanatanterahana ny fifidianana filoham-pirenena sy kaominaly ny volana mey; Fandaniana sy famoahana ny lalana amin'ny volana jona; Fanaovana tombana ny fandrosoan'ny fanovana (fivoriana faharoa) ny volana septambra,… Tokony hifameno amin'ny fikarakarana ny fifidianana ankehitriny ihany koa anefa izany fikaonan-doha izany fa tsy sanatria hampisy fahatarana amin'ny fiatrehana ny fifidianana, hoy izy ireo, izay nahitana ny Alliance Voahary Gasy; Liberty 32; Mouvement ROHY; MSIS Tatao; ONG Hitsy ONG Ivorary; ONG Tolotsoa; SAFIDY, Observatoire des élections; Transparency International ,…
Toky R

 

 


 

Dans la même rubrique

21-juin-2024

vita amin’ny takelaby mifono varahina ary mikombona vozony izay mirefy 7,62x30mm ho an’ny Kalacknikov ny Ozinina Miaramila

Card image cap
21-juin-2024

Nilamina tamin’ny ankampobeny ny fiatrehana fifidianana tamina toerana maro teto Madagasikara,

Card image cap
21-juin-2024

Tsy misy zavatra tsy azo tanterahana anaty teny ifampiherana, hoy ny antoko politika Fiombonana.

Card image cap
21-juin-2024

Miditra an-tsehatra an-tsehatra ny Firenena Milambana manoloana ny toe-draharaha eto Madagasikara, indrindra taorian’ny fifidianana.

Card image cap
21-juin-2024

Efa hitan’ny sehatra iraisampirenena ny tsy fahatomombanan’ny zotram-pifidianana teto Madagasikara,

Card image cap
20-juin-2024

Fantatrareo fa ny vondrona politika ‘Lay FAR, izay ahitana ny antoko politika Les Phares,

Card image cap