airtel

Politique

24-avril-2023

Politique

Marc Ravalomanana “Tsy izay rehetra mibontsimbontsina no mahavita”

Sample post image

Tao Sambava indray no nifamotoana tamin’ireo mpanohana azy sy nanao fanentanana ny olom-pirenena hanamarina ny anarany sy hisoratra anarana anaty lisi-pifidianana ny Filoha teo aloha Marc Ravalomanana.

24-avril-2023

Efa nihatrana ny mpitandro ny filaminana, saingy afaka nanao ny fihaonana tao amin’ny Cercle Chinois Sambava ihany ity Filoha ity sy ireo mpiara-dia aminy. Nandritra io no nilazany, fa potika tanteraka ny sehatry ny lavanila, ny tantsaha no mizaka ny tsy eran’ny aina, tsy ekena ny ampihimamba fa mila olona mahay sy mahalala ary mahavita ilay sehatra. “Tsy miova ny vidin’ny lavanila any ivelany, fa isika no korontanin’ny olona hifehezany ny vidiny. Mila halalahana mba hisian’ny fifaninana malalaka. Vola samy manana fa ny isany no tsy mitovy”, hoy I Marc Ravalomanana. Raha tsy hay tsara, hoy izy, ny mitazona ny maha voalohany an’I Madagasikara sy ny maha Renivohitry ny lavanila ny faritra SAVA dia hosongonan’ny olona isika. Nahitsy ity Filoha teo aloha ity nilaza fa tsy izay rehetra tonga any dia hibotsimbotsina ho dia mahay, fa tena mila mahalala sy mahay ary mahavita. Momba ny politikam-pitantanana ny firenena, naneho I Marc Ravalomanana, fa mifameno ny Malagasy, ary rehefa mandroso ny faritra tsirairay dia mandroso i Madagasikara. Ny fahasamihafana no harena voalohany mampandroso ka tsy tokony hanaiky hozarazaraina amin’ny resaka fihaviana ny Malagasy iray na avy any Atsimo na Avaratra na Andrefana na Atsinanana na afovoany teo anatrehan’ilay kabarin’ny olom-boafidy IRD nilaza fa tsy “tsy olona boaka atimo no hankadala ny any Avaratra”. Ny tsikaritra dia toa hifanotofan’ireo mpanao politika heverina sy tombanana fa ho kandida Filoham-pirenena ny Faritra SAVA. Vao tsy ela no tany i Andry Rajoelina, toa nifanontona taminy tany i Siteny Randrianasoloniaiko, ary taorian’izay dia nigadona ihany koa i Marc Ravalomanana.
Toky R
 

Dans la même rubrique

24-avril-2024

Nampanantsoina teny anivon’ny tendrom-pitsarana misahana ny ady amin’ny kolikoly na ny PAC (Pôle anti-corruption) 67ha,

Card image cap
24-avril-2024

Tsy misy intsony ny Fanjakana tan-dalàna ka mijoro ireo mpahay lalàna sy avara-pianarana sy ny vato

Card image cap
24-avril-2024

Namoaka tatitra ny depiote Rahasimanana Paul Bert na Rossy omaly,

Card image cap
24-avril-2024

Hanomboka ny datin’ny 08 ka hatramin’ny 27 Aprily ho avy izao ny

Card image cap
24-avril-2024

Tao anatin’ny hetsika fotsy aho ary mbola anatin’ny fanoherana, hoy ny kandida ho depiote,

Card image cap
24-avril-2024

Novorian’ny Governora Guy Ramarosandratana ireo staff-n’ny faritra Mangoro sy ny Birao politika TGV-Distrika Ambatondrazaka ny takarivan’ny 19 aprily teo.

Card image cap