airtel

Politique

20-févr-2024

Mektoub Omar El Camille

« Madagasikara tsy maintsy mihemotra no hita, fadiranovana ny vahoaka »

Sample post image

Amiko tsy misy fitondrana vaovao eto fa ny teo aloha ihany

20-févr-2024

no miverina satria ny filoha teo aloha ihany no miverina, ny praiminisitra efa teo aloha ihany, ny minisitra sasantsasany,… Ny HCC teo aloha ihany, ny CENI teo aloha ihany,… Tsy mahagaga raha tsy nisy fandrosoana tao anatin’ny 5 taona voalohany, ary izao manao fanamby anatin’ny 100 andro ka ho an’ny tenany sa ho an’ny vahoaka Malagasy ? Ho anay any Atsimo Atsinanana dia miala tsiny fa tena mihinana ny tsy fihinana ny vahoaka, nanomboka tany amin’ireo rivodoza Batsiray, Freddy,… », hoy Atoa Mektoub Omar El Camille mpanao politika, efa solombavambahoaka teo aloha, raha nivahiny tao amin’ny Top Radio 102.8FM omaly. Farantampony amin’ny fahantrana sy fahasahiranana izany mihinana viha izany, kanefa izany no mitranga, ary manamorona an’iny Pangalana iny dia tsy ahitana viha intsony, izay ny voniny no fihinana ary efa ny tena sahirana no mihinana, kanefa dia ny vodiny mihitsy no hoanina, andrahoina, hoy izy. Nahitsy izy nilaza fa ilay Madagasikara tsy maintsy mandroso dia mety ho an’ny mpitondra fa tsy ho an’ny vahoaka, ary ohatran’ny « slogan » fotsiny fa ilay fitondrana aza mihodinkodina fa tsy ao anatin’ilay hafainganam-pandeha « V ». Hatao inona ireo minisitra 20 mahery kanefa mbola hasiana sekreteram-panjakana ? Isika efa sahirana, ny vola tsy misy, ka nahoana no hampitomboina ny olona anaty governemanta satria mpikambana ao ihany ireo ? Nahitsy ny tenany nilaza fa tsy Madagasikara tsy maintsy mandroso, fa lasa Madagasikara tsy maintsy mihemotra satria na ny samy madinika aza mifanambaka noho ny fahantrana. Momba ny fifidianana, hiroso amin’ny fifidianana kanefa ny rafitra tsy miova, ka ny tamin’ny fifidianana Filoham-pirenena ihany no hiverina eo, hoy izy. Aminy, raha ny lojika dia tokony hotohizan’ny Firaisankinan’ny kandida ilay fijoroana nataony hoe : tsy misy fifidianana tokony handeha raha tsy diovina sy am-pahamarinana sa lasa nadio tampoka ilay fifidianana ? Raha tena niray hina hoe : diovy ny fifidianana fa tsy nisy naningana, dia tsy tahaka izao, raha ny famakafakany. Nisy kandida nandeha nirotsaka, fa avy eo nitory, fa moa tsy ny vaton’i Siteny Randrianasoloniaiko indray no nesorina ? Ny zava-misy, dia misy dikany ny tenin’ny mpiara-miombon’antoka ara-teknika sy ara-bola na ny PTF hoe : izao ihany ny mpiasam-panjakana azonareo ampidirina. Tsy tena mahazo ilay fankatoavana io fitondrana io matoa misy ny kiserisery madinidinika, ary tsy mahamenatra izany fa tsy manam-bola io fitondrana io, hoy hatrany Atoa Mektoub Omar El Camille. Momba ny fitantanana, ny any ifotony no irotsaka hofidiana dia ny aty an-tampony no manapaka hoe : izao no anto-bola. Izy ireo izay ao anatin’ny AOM (Antenimieran’ny Olobe) fa Vondrom-bahoaka omem-pahefana, fa tsy vondrom-bahoaka itsinjaram-pahefana. Nomarihiny ohatra, fa manana ny harena rehetra vatosoa, volamena, lavanila, café,… ny faritra Vatovavy fa inona ny zavatra mba mitete aminy ?
Toky R

 

Dans la même rubrique

16-avril-2024

Anio 16 aprily 2024 no hamoahan’ny Fitsarana avo momba ny lalàmpanorenana na

Card image cap
16-avril-2024

Isan’ireo antoko nanapa-kevitra handray anjara amin’ny fifidianana ny antoko politika Otrikafo

Card image cap
16-avril-2024

Mbola misy ny antsojay amin’ireo tsy ao anatin’ny antoko politika miaraka amin’ny fitondrana

Card image cap
16-avril-2024

Mitohy hatrany ny fitetezana ireo kaominina mandrafitra ny distrikan’Avaradrano tanterahin’ireo Kandida Solombavambahoaka

Card image cap
15-avril-2024

Ny sabotsy 13 aprily teo tetsy amin’ny Espace Fenitra Merimanjaka no nitondrana am-bavaka sy nanolorana ofisialy

Card image cap
15-avril-2024

Noraisina tamin’ny fomba ofisialy tetsy amin’ny Olympia Ampitatafika ny sabotsy

Card image cap