airtel

Politique

22-févr-2023

Politique

Ministeran'ny Tanora sy ny Fanatanjahantena Lasa Resampa misolo Resampa

Sample post image

Voatendry ho ministry ny Tanora sy Fanatanjahatena i Haja André Resampa. Hifandovan'ny taranak'i André Resampa ity ministera ity.

22-févr-2023

Raha zanany lahy i Haja dia zafikeliny kosa i Tinoka Roberto satria zanak'i Martine Tinoka, anabavin'i André Resampa .Tsy zoviana intsony i "Madame Martine" izay fantatry ny maro sy mamy hoditra raha nitantana ny Tranombokim-pirenena teo Ampefiloha, izay.niteraka ny tamin'i Toto Tinoka Roberto. Tsy ny Resampa misolo Resampa no olana fa ny mampanahy, ny ahiahy tsy hihavanana, dia ny mbola hatazonan'i Haja Resampa ireo tompon'andraikitra teo aloha. Tsy Tinoka Roberto velively no diso fa ireo mpiara-miasa efa tao am-polo-taonany maro toa ny Sekretera Jeneraly Lovatiko. Tsy afa-bela koa ny Tale Jeneralin'ny Fanantanjahantena Rosa Rakotozafy izay tompon'antoka tamin'ny nahavoasazy ny taranja tsipy kanetibe noho ny tsy fitazonana ny teny nomena. Mbola tsy voaloa mantsy ny volan'i Dollys Randriamarohaja nandehanana tany Thailande. Naka toky ity filohan'ny FSBM ity talohan'ny nandehanan'ny ekipam-pirenena tany Lomé ary dia nanaiky i Rosa Rakotozafy saingy maty ihany i Dollys fa mbola tsy azo ny vola. Tezitra noho izany ny Filohan'ny Federasiona iraisam-pirenena, Claude Azéma, ka namoaka sazy izay raha tsy mivaha dia tsy hisy Malagasy hilalao tsipy kanetibe amin'ny Lalaon'ny Nosy. Ity taranja ity anefa no mety hitondra medaly volamena sivy. Tsy azo tsinontsinoavina ity resaka tsipy kanetibe ity. Mpampianatra dihy no tena angadin'ity minisitra vaovao ity ka Indiana fa ho hainy ny hanao "pas de côté"ireo olana mitranga.
Clément RABARY
 

Dans la même rubrique

24-mai-2024

Ao anatin’ny kihon-dàlana faramparany amin’ny fampielezan-kevitra isika amin’izao fotoana izao,

Card image cap
24-mai-2024

Miha milentika amin’ny lafiny maro ny firenena. Mitombo ny fahasahiranan’ny vahoaka Malagasy noho ny tsy fahombiazan’ny mpitondra.

Card image cap
24-mai-2024

Hirarakopana indray atsy ho atsy ny fivoahana any ivelany ataon’ny Filoham-pirenena

Card image cap
23-mai-2024

Nanomboka omaly alarobia 22 mey ny andrana ho an’ny fitaterana an-tariby na TPC na «

Card image cap
23-mai-2024

Nandefasan'ny Minisiteran’ny Serasera sy ny Kolontsaina na ny MSK taratasy fakatonana ihany

Card image cap
23-mai-2024

Vaovao politika nafana tao Manakara ny nanambaran’ireo kandida roa dia i Tidjy Wai N°5 sy Tanjona N°2

Card image cap