Politique

nosamborina teny amin’ny Magro Behoririka, ary navotsotra ny sabotsy tokony ho tamin’ny 7ora sy sasany hariva ihany. Nahitsy ny Mpandrindra Nasionalin’ny TIM nilaza fa mikorosy fahana ny fampiharana ny demokrasia. Nilaza ny tenany fa andraikitra amin’ny maha mpitarika ny antoko no nataon’izy ireo satria manana andraikitra araka ny voalazan’ny andininy faha-55 amin’ny andininy fahatelon’ny lalàna fehizoro 2018-008 dia ny fanentanana ny fiainana ara-politika na:“animation de la vie politique”. Izany no nambarany fa antony tokony nanaovana hetsika tao amin’ny Magro, ary notsipihiny fa toerana voafefy, tsy mila akana alalana satria ao anatin’ny andraikitray tanteraka, kanefa tao anatin’izany no nisian’ny fisamborana, “arrestation arbitraire”; tsy misy antony manokana tokony nisamborana anay, tsy misy mihitsy fanajana ny zon’olombelona fa tahaka ny misambotra mpangalatra gaigilahy; tsy fantatra ny antony fa nolazaina hoe: rehefa tonga any amin’ny toerana fanaovana fanadihadiana ho hitanareo eo ihany. “Fampihorohoroana fotsiny na fanapenam-bava sy hahazoanay maneho hevitra ny zavatra nisy tany, kanefa izahay dia mijoro eto fa raha mbola amin’ny andraikitra amin’ny fampandehanana ny antoko, dia tsy hihemotra ny hilaza ny hevitra mihitsy izahay satria zo fototra homen’ny lalàmpanorenana anay ny filazana ny hevitra sy ny fanazavana ihany koa ny zavatra rehetra iainana amin’ny firenena amin’izao izay tsy takona hanefinana satria iaraha-mahalala ny fahasahiranana ny vahoaka, ary tsy ny fisamborana anay akory no hamaha ny olan’ny firenena”, hoy i Jean Claude Rakotoniaina. Nisaotra tamin’ny firaisan-kinan’ny rehetra, indrindra fa ny Filohan’ny TIM Atoa Marc Ravalomanana izay nambarany fa vao naheno fa voasambotra dia nanao ny fomba rehetra azo natao nahatongavana tamin’ny fivoahana kosa i Rina Randriamasinoro. Nambarany fa efa nokendrena (ciblé) izy ireo tao amin’ny fisamborana, ary nilaza fa tsy misy antony manokana tokony nisamborana azy ireo, raha tamin’iny fotoana iny, nijoro tany aoriana ary tonga dia nobataina, nalefa nasitrika tao anatin’ny fiara. “Maneho sy manamafy aho, fa efa tafiditra tanteraka ao anatin’ny jadona ny firenena mihapotika, ka mila ny fijoroan’ny tsirairay avy mba tsy hilefitra manoloana izay zavatra miseho izay”, hoy i Rina Randriamasinoro. Taorian’ny famotorana moa, dia handeha any amin’ny fitsarana ny dosie momba azy ireo ka andrasana ny tohiny.
Toky R