mety hoe ireo 1% sokajiana ho manan-katao sy mpanefoefo ihany angamba no tsy velon-taraina isan’andro. Fa ny ankoatra an’izay efa tena fefiky ny fahasahiranana , misy ireo tena fdiranovana, tazana ho mitombo isa isan-kerinandro ireo olona lasa mpangataka, na kely na lehibe eny an-dalana eny sy mitety mpivarotra. Tena tsy misy arapaka, tsy manana fanantenana intsony hoe mbola ho tafarina fa mangataka fitserana sisa. Any anaty fiarahamonina , eny amin’ny fokontany sy ny vohitra eny, dia hita amin’ny zavatra vidian’ny olona rehefa miantsena fa tena kely ny vola am-pelatanana. Na miasa tena , na mpiasam-panjakana, na mpiasa amin’ny sehatra tsy miankina dia mila tsy ahatody volana ny vola raisina. Eny anivon’ireo epicerie no ahitana fa maro ny karnie fanoratana trosa amin’ireo entana ilaina amin’ny fiainana andavanandro tahaka ny vary, siramamy, sira, menaka, labozia, paty, katsaka, voamaina…Raha manontany kely fotsiny ireo sefo fokontany ny mpitondra fanjakana foibe, ao anatin’ny 5 minisitra dia mahazo tatitra mazava tsara fa mahantra ny 90% n’ny Malagasy. Ny ilain’ireo voalohany aloha dia asa, vola, sakafo, fitsaboana, fandriampahalemana, fahafahana mampiana-janaka . Izay aloha no tena laharampahamehana amin’ireo fa tsy any amin’ny hoe teleferika, autoroute. Na ambanivolo, na ambony vohitra dia mitovy io filana fototra io ho an’ny maro an’isa eto amin’ny firenena. Fa ny fahitana ny zava-misy sy ny fihetsiky ny manampahefana, mpitondra fanjakana dia tsy mivaky loha firy amin’ny marary ny maro an’isa izy ireo. Fa raha nahafantatra dia efa 10 taona lasa no natao laharampahamehana ny sosialim-bahoaka fa tsy aty amin’ny taona 2024 vao hoe hijery ny vahoaka ; fa inona fotsiny izany no natao hatramin’izay sa manakaiky ilay fifidianana solombavambahoaka dia averimberina resahana foana indray ireo vahoaka izay efa nofitapitahana isaky ny vanim-potoanan’ny fifidianana ?
RTT
Notanterahina omaly teny amin'ny Gara Soarano ny lanonana politika fametrahana samboady ireo
Mitady minisitra volamena tonga dia tsy kosehina intsony fa avy dia mitondra fahazavana
Tsy mahafaty ny mahatsikaiky! na koa hoe «Le ridicule ne tue pas!»,
Aiza sy nankaiza ny Filohan’ny Delegasionina manokan’ny Kaominina Antananarivo Renivohitra Atoa Ramanambitana Richard ?
Efa mitovy salan’isa amin’ireo tantsaha mpamokatra eto amintsika izany hoe :
Mbola vitsy ireo vehivavy misahana andraikitra ambony na miantsehatra eo amin’ny