Politique

izay nandraisan'ny TGV Boriboritany faha 5 an-jatony anjara no nanehoan'ny solombavambahoaka Naivo Raholdina fisaorana manokana ny filoham-pirenena, Andry Rajoelina, tamin'ny fandraisany an-tanana sy fametrahany ho laharam-pahamehana ny sosialim-bahoaka. Anisan'ireo filoham-pirenena nahavita sosialy be indrindra ny filoha Andry Rajoelina na tamin'izy mbola tsy ben'ny tanàna sy filoham-pirenena fa mbola olon-tsotra Andry TGV, hoy I Naivo Raholdina. Efa mpanao Asa sosialy izy. Betsaka ny foto-drafitr'asa vita ary ireo izay efa natomboka dia ho vitaina hatramin'ny farany. Ireo izay mbola tsy natomboka kosa dia ahato aloha fa omen-danja manokana ny sosialim-bahoaka. Noho ny tsy fahavitan'ny ministry ny mponina miahy ny sosialim-bahoaka ny veliranon'ny filoham-pirenena izay ijerena manokana ny fiainan'ny mponina sahirana no anisany antony lehibe nanaovan'ireo solombavambahoaka mpomba ny fitondrana sonia tamin'ny fitsipaham-pitokisana izay najanon'izy ireo. Mikaikaika loatra ny vahoaka fa tsy misy andraikitra raisin'ny ministry ny mponina amin'ny fanampiana ireo tena sahirana, indrindra, ireo eto Antananarivo renivohitr'i Madagasikara ka lasa ny filoha no voatonotonona. Ankehitriny, rehefa tsy nisy ny fanovana ireo minisitra sasany tsy mahomby toy ny ministry ny mponina dia noraisin'ny filoham-pirenena an-tanana mihitsy ny fitsinjovana ny sosialim-bahoaka ka dia nanamafy hatrany ny solombavambahoaka fa manohana hatrany ny fampandrosoana entin'ny filoha Andry Rajoelina, hoy hatrany ny tenany.
J. Mirija