Ny olona nilaza hanova tamin’ny 2009

hoy ny antoko politika Maeva! Raha io seza io na io vola io na io voninahitra io, hoy ny filohan’izy ireo, Mamy Raharimanana, no mibahana voalohany am-po sy saina ary fanahy hanaovao politika tonga dia mijànona! Izany no mahatonga ny olona tsy hifidy intsony. Inona izao no tena praograma maty paikan’ny mpitondra ankehitriny hanarenana ny firenena? Fotodrafitrasa izany tsy maintsy atao na hoe «fonction régalienne» ka aza ireharehana! Tokony hisy fanavaozana ifotony mihitsy ny fanaovana politika eto Madagasikara! Jereo ny famaritana ny atao hoe politika ao anaty rakibolana! Rehefa tsy hainao ny famaritana ny atao hoe politika dia aza manao politika valifaty fa tsy mety! Ny olona nilaza hanova tamin’ny 2009 izao vao mainka nampilentika an’i Madagasikara hatramin’izao 2025 izao! Tsy nisy vokany ny tolona tamin’ny 2009. Tsy nisy niova fa vao mainka aza zava-doza! Talohan’ny 2009 niakatra ny harinkarena fa izao tena nidina. Farany mahantra eran-tany isika. Izay no hanentanana hoe aleo hajanona daholo ny lonilony politika dia mifampiresaka isika rehetra fa izany no atao hoe olom-panjakàna na «homme d’état» sy manana jery lavitra ho an’i Madagasikara, hoy hatrany ity antoko politika ity.
J. Mirija