airtel

Politique

02-févr-2023

Politique

Ny olon’ny fitondrana aza kivy “Minisitra maro tokony hosoloina…”

Sample post image

Nangingina indray ilay resaka fikitihana governemanta, raha toa ka efa hatrany amin’ny faran’ny taona no nandeha ny resaka.

02-févr-2023

Nisy rahateo ilay fitsipaham-pitokisana nataon’ny solombavambahoaka miisa 105 tamin’ny 7 desambra 2022. Natsefotra moa iny, saingy mbola nisy ireo depiote nilaza fa tsy afa-po amin’ny governemanta, ary depiote mpanohana fitondrana mihitsy no nisy nilaza ampahibemaso fa tokony hoesorina ny minisitra ranona sy ranona, tonga hatramin’ny hoe: manohana ny governemanan’ny fosokafana fa kosa olona tokony tsy manilikilika ny TGV. Na ireo depiote izay tsy volomboasry nilaza fa mitsipaka ny fitsipaham-pitokisana aza, nisy nilaza indray fa minisitra 15 ao anatin’ny governemanta farafahakeliny no mila hesorina raha te ho tafavoaka ny filoha Rajoelina, ary lasa lohan’ny mpisorona tamin’ilay hetsika politika Lera. Nivoaka tamin’ny fahanginany kosa ny Praiminisitra Ntsay Christian ny 20 janoary 2023, fa karazana fanakorontanana ny fitsipaham-pitokisana, ary ny Filoham-pirenena no isan’ny nokendrena tamin’izany. Nilaza mihitsy aza ny tenany, fa raha no voalaza fa nanasonia an’ilay fitsipahana, dia 108 ny sonia manohitra ny fitsipaham-pitokisana, hoy izy. Niakatra ho 213 ve izany ny isan’ny depiote ao Tsimbazaza izay 151 no tena izy? Nangingina ny resaka fikitihana governemanta, saingy mifoha indray ankehitriny ny fanambarana politika manakiana ireo Minisitra. Tsy olona avy any ivelany, fa ny ao anatin’ny Fitondrana no manao izany, taorian’ireo depiote IRD sasany izay manana olana amin’ny Minisitra iray na vitsivitsy ao anaty governemanta. Nanaitra mantsy ny fanehoan-kevitr’Atoa Moussa Soalihy hita tamin’ny haino aman-jery omaly, izay olona anatin’ny fitondrana naneho, fa tena minisitra maro no tokony hosoloina, fa “minisitre de salon” fotsiny, raha ny nambarany. “… “Minisitre de salon” ny ankamaroany, tsy nisy hita tamin’ny loza nanjo ny Malagasy, kanefa nipoitra rehefa nisy ny fambolen-kazo. Misy anefa Minisitra izay “minisitra coach” misahana faritra maromaro. Ny zava-misy amin’izao mihitsy no manosika ny Filoha hanolo ekipa, ka tsaratsara manova minisitra, maro no tokony hosoloina, mila olona mahomby sy tena manana endrika tsara amin’ny vahoaka. Soloy fa tsy mahavita ny filan’ny vahoaka… “, hoy ny ampahan’io fanehoan-kevitra io. Tsy tongatonga ho azy ireny ka asa hoe: hisy ve ny fikitihana ato aho ato ka alefa mialoha ireny mba hanamarinana azy hoe: ny olona anaty fitondrana aza resy lahatra fa mila ainga vao indray ny governemanta? Misy olona manahirana ve ny manilika azy ka aleo ny ao anaty fitondraa mihitsy no hanamafy izany fa tokony hoesorina I ranona na I ranona? Amin’ny fijery iray hafa ihany koa dia porofo miharihary fa ny olon’ny fitondrana aza vaky vava fa tsy mahomby sy tsy mamokatra ny fahefana mpanatanteraka. Hanova zavatra ve anefa ny fikitihana na fanovana raha hisy sa paikady politika hoenti-manarontsarona ny tsy fahombiazana? Mbola misy azo antenaina ve na handeha aza ny fikitikitihana governemanta izay tsy vao sambany ?
Toky R
 

Dans la même rubrique

17-juin-2024

Nanao karazana fampitandremana ho an’ireo ambarany fa mikotrika zavatra hafa

Card image cap
14-juin-2024

Nanamafy ny depiote Rahasimanana Paul Bert na Rossy fa tena nanjakan’ny tsy tan-dalàna ny fifidianana

Card image cap
14-juin-2024

Tsy fifidianana no natao teto fa fangalaram-bato, ary tsy mbola fahita tao anatin’ny 60 taona, hoy ny RMDM,

Card image cap
14-juin-2024

Tsy fifidianana no natao teto fa fangalaram-bato, ary tsy mbola fahita tao anatin’ny 60 taona, hoy ny RMDM,

Card image cap
14-juin-2024

Nandray anjara tamin’ny fifidianana solombavambahoaka tany Toliara II ny antoko politika Otrikafo,

Card image cap