airtel

Politique

23-févr-2023

Politique

Politika avo lenta Misy mitady hamboly korontana hanemorana fifidianana ?

Sample post image

Manahirana ny toe-draharaham-pirenena sy politika ary sosialy eto Madagasikara amin’izao fotoana izao. Mitombo ny olana, ary tsy mbola mazava ny làlan-kivoahana.

23-févr-2023

Eo anatrehan’izany, mandindona ihany koa ny fambolena korontana sy fipoahana ara-tsosialy, ka efa miomamkomana amin’izany ireo ngetroka eto amin’ny firenena, raha resaka miainga sy kotrehina any ambadika any. Eo ny fahasarotam-piainana sy ny toe-draharaha politika izay raha jerena amin’ny fomba mahitsy, dia mety hampitroatra vahoaka tokoa. Ny zava-doza anefa, misy tetika politika avo lenta tiana hokotrehina eto, tena tetika maloto mifototra amin’ny kajy politika, mety fandrobohana sy fampidirana anaty korontana sy ady an-trano mihitsy. Tanjona amin’izany ny tsy hirosoana amin’ny fifidianana, ka mety hokopahana hitarika korontana mihitsy ny antoko na mpanao politika sasany milaza ho mpanohitra. Ny sary politika miseho eto, ireo tena mpifanandrina ara-politika mivantana amin’ny fitondrana dia tsikaritra ho tony, ary miezaka mametraka ilay hoe: fanoherana ao anatin’ny faharanitan-tsaina. Ny mpitondra indray no toa miezaka mihantsy sy mandranitra manao izay hampitroatra azy, raha tarafina amin’ireny fanenjehana sy fanakantsakanana samihafa ireny. Tahaka izany ihany koa ny fanenjehana sy fanagadrana samihafa izay hita taratra ihany ny toe-javatra toa misy tsy ara-drariny. Ahiana noho izany ny mety ho fambolena sarintsarim-pitroarana sy fipoahana, hoenti-manadio tena sy hipetrahana ho lasibatra na “victime”. Rehefa tafaroboka ao anaty korontana, mazava ho azy fa tsy hisy ny fifidianana.
MORA LALAOVINA NY VAHOAKA SAHIRANA
Ny vahoaka sahirana dia iaraha-mahalala sy mahita fa somary mora taitaitra. Tsy sanatria momba sy mankasitraka ny tsy fanjariana rehetra misy, ny tsy fahaiza-mitantana, ny afera maloto, tsy firaharahiana vahoaka, fihemoran’ny firenena,… fa kosa mila mitandrina ihany sao ho tafaroboka amin’ny kajy maloto mety vao mainka hampidi-kizo. Raha vao mikorontana mantsy ny firenena, miakatra avo roa na telo heny io vidim-piainana io, indrindra fa tsy tena finiavana hanavotra firenena no hambolena hetsika, fa kajy politika avo lenta. Taratr’izany ny tamin’ny 2007-2008, dia niaraha-nahita ny tohiny, fa tsy voaarina mandrak’androany ny vokany. Ilaina ny mijoro sy miady eo anatrehan’ny zava-misy, saingy mila mahay mijery sy mandinika ihany sao misy ny vela-pandrika!
Toky R
 

Dans la même rubrique

21-juin-2024

vita amin’ny takelaby mifono varahina ary mikombona vozony izay mirefy 7,62x30mm ho an’ny Kalacknikov ny Ozinina Miaramila

Card image cap
21-juin-2024

Nilamina tamin’ny ankampobeny ny fiatrehana fifidianana tamina toerana maro teto Madagasikara,

Card image cap
21-juin-2024

Tsy misy zavatra tsy azo tanterahana anaty teny ifampiherana, hoy ny antoko politika Fiombonana.

Card image cap
21-juin-2024

Miditra an-tsehatra an-tsehatra ny Firenena Milambana manoloana ny toe-draharaha eto Madagasikara, indrindra taorian’ny fifidianana.

Card image cap
21-juin-2024

Efa hitan’ny sehatra iraisampirenena ny tsy fahatomombanan’ny zotram-pifidianana teto Madagasikara,

Card image cap
20-juin-2024

Fantatrareo fa ny vondrona politika ‘Lay FAR, izay ahitana ny antoko politika Les Phares,

Card image cap