airtel

Politique

31-mai-2023

Politique

Politika sy diplaomasia avo lenta Handeha hihaona amin’i Macron i Rajoelina ?

Sample post image

Notaterin’ny fampahalalam-baovao vahiny Africa Intelligence omaly 30 mey 2023 fa hisy ny fihaonan’ny Filoha Malagasy Andry Rajoelina

31-mai-2023

amin’ny Filoha Frantsay Emmanuel Macron hatao any Frantsa eo anelanelan’ny 7-9 jona ho avy izao. Nambaran’io fahampahalalam-baovao io, fa ny Filoha Malagasy no nangataka ny fihaonana. Tsy mbola nisy kosa ny fampahafantarana nivoaka avy eo anivon’ny Fiadidian’ny Repoblika manamarina na mandiso an’io. Ao anatin’ny vanim-potoana politika mivaivay no isehoan’izany resaka izany ka asa aloha izay tena ho fisehony sy ny zavatra hifampiresahana raha tena ho raikitra tokoa? Nilaza kosa ny Africa Intelligence fa ny toe-draharaha politika mialohan’ny fifidianana no isan’ny mety ho lahadinika, ka anisany resaka fiatrehana izay fifidianana izay. Heverina fa resaka politika sy diplaomasia avo lenta mialohan’ny fifidianana io. Hangataka vonjy sy fanohanana amin’I Macron ve Rajoelina? Hanao ahoana ny fijerin’ny Frantsay momba ny toe-draharaha politika sy ny raharaham-pifidianana eto? Isan’ny goavana ihany koa raha ny voalazany ny fantagatahana ny famindrana gadra na “extradition” an’ireo miaramila Frantsay roa misotro ronono isan’ireo nohelohina fa ho namono ny Filoham-pirenena Malagasy Andry Rajoelina tamin’ny raharaha “Apollo 21” no tadiavin’ny Frantsay. Raha tsiahivina kely, dia nosamborina ny jolay 2021 izy ireo, ary nohelohina faran’izay henjana ny desambra 2021. Sazy asa an-terivozona 20 taona no nomen’ny fitsarana an’I Paul Rafanoharana, asa an-terivozona 10 taona ho an’I Philippe François. Voaheloka hiasa an-terivozona 5 taona ihany koa Voahangy Andrianandrianina vadin’i Paul Rafanoharana. Asa na fifandrifian-javatra ihany fa tany amin’ny desambra 2021 dia nilaza I Fanirisoa Ernaivo fa fangatahana “extradition” azy sy Marco Randrianisa alefa any Madagasikara no nangatahin’ny fitondrana Rajoelina ho takalon'ny famindrana an i Phillipe François sy Paul Rafanoharana hamita sazy aty Frantsa? Vao herinandro mahery kely mantsy izay no nisy ny fisamborana azy ireo nanaovana fanadihadiana saingy navotsotra avy eo. Hiverenana hosamborina sy hatolotra ny Fitondrana Malagasy Rajoelina ve? Sady teknika io no politika izay mety ho sarotsarotra ihany. Rah any politika sy diplaomasia kosa, raha mampahatsiahy kely, dia tokony hitsidika an’I Madagasikara ny Minisitry ny raharaham-bahiny Frantsay Rtoa Cathérine Colonna, saingy voalaza hatreto fa nofoanana tanteraka taorian’ny fihemorana in-telo nanomboka ny aprily teo. Ny sekreteram-panjakana frantsay miadidy ny fampandrosoana, ny Frankofonia sy ny fiaraha-miasa iraisam-pirenena, Ramatoa Chrysoula Zacharopoulou tapa-bolana lasa izay. Io voalaza fa ho any Frantsa io ny Filoha Malagasy, izay heverina fa mety ho Fihaonana fahaefatra farany amin’ny roa tonta amin’ny maha Filoha an’I Andry Rajoelina taorian’ny tamin’ny 29 mey 2019, 27 aogositra 2021, ary ny tamin’ny 29 aogositra 2022.
Toky R
 

Dans la même rubrique

21-juin-2024

vita amin’ny takelaby mifono varahina ary mikombona vozony izay mirefy 7,62x30mm ho an’ny Kalacknikov ny Ozinina Miaramila

Card image cap
21-juin-2024

Nilamina tamin’ny ankampobeny ny fiatrehana fifidianana tamina toerana maro teto Madagasikara,

Card image cap
21-juin-2024

Tsy misy zavatra tsy azo tanterahana anaty teny ifampiherana, hoy ny antoko politika Fiombonana.

Card image cap
21-juin-2024

Miditra an-tsehatra an-tsehatra ny Firenena Milambana manoloana ny toe-draharaha eto Madagasikara, indrindra taorian’ny fifidianana.

Card image cap
21-juin-2024

Efa hitan’ny sehatra iraisampirenena ny tsy fahatomombanan’ny zotram-pifidianana teto Madagasikara,

Card image cap
20-juin-2024

Fantatrareo fa ny vondrona politika ‘Lay FAR, izay ahitana ny antoko politika Les Phares,

Card image cap