Hivoaka amin’ny fahanginana ny tenany ary hiteny amin’izay ka anisan’ny tena horesahiny ny fifofona ny ain’ny filoham-pirenena izay mbola miteraka resabe eto amin’ny tany sy ny firenena, ny resa-politika, ny sosialy ary ny toe-karena. Hanentana ny fandaharana mandritra izany ny mpanao gazety Herilala Andrianaivo sy caporal Bob. Ny fikambanana HAFARI Malagasy sy ny orinasa mpitsabo Malagasy FITRAMA, tarihin-dRafanomezantsoa Jean Nirina no hikarakara izany ao anatin’ilay fandaharana fiaraha-mponina sy ny tontolony izay ho hitantsika ao amin’ny vata fahitalavitra Ma TV anio Alarobia hariva manomboka amin’ny 06 ora. Tanjon’ny fandaharana ny tsy hahatompon-trano mihono ny vahoaka Malagasy manoloana ny zava-misy eto amin’ny tany sy ny firenena. Toraka izany koa ny mba hahafahana mampahafantatra ny tsirairay ny hevitr’ireo lohandohan’ny mpisorona eto amintsika hahafahan’ny vahoaka mijery ny tena zava-misy marina. Andrasana araka izany izay fanehoan-kevitr’Atoa Alain Ramaroson mandritra ity fandaharana izay hivanihanany ao amin’ny vata fahitalavitra Ma TV anio Alarobia hariva ity.
Pati
Efa fiainana ilay miaraka amin’ny vahoaka, hoy ny kandida ho solombavambahoaka ao Manjakandriana, Dr Fidy Bariniaina.
Nivadika ny rasa, nanapa-kevitra ny tsy hanohana ny kandida solombavambahoaka avy amin’ny
Tsy hitondra fitoniana eto amin'ny firenena ny fifidianana kasaina hatao eto Madagasikara
Raharaha isan’ny mitana ny sain’ny maro ankehitriny ny nampidirana am-ponja an-dRtoa Ramalason Olga,
Mila averina ny hasin’ny fanabeazana eto Madagasikara, hoy ny antoko politika RCR-Tolona,
Mitohy ny fanamboarana ireo làlana mampitaraina ny vahoaka ao Ambohimanarina.