Araka ny nambaran’ny Vondrona politika hafa miray na VPHM, izay nilaza fa nanontany ny voatoatin’io fihaonambe io tamin’izy ireo farany teo, dia tsy mbola manana heritreritra ny hamory mpanao politika hatreto ny FFKM. Nilaza kosa izy ireo fa miheritreritra ny hisantatra ny fikaonandoham-pirenena amin’ny fikaonandoham-paritra amin’ny volana aogositra izao. Rehefa jerena ny kisarisary rehetra, 4 na 5 volana mialohan’ny fotoana tokony hametrahan’ny filoham-pirenena am-perinasa fialana, raha mbola hilatsaka ho fidiana amin’ny taom-piasana manaraka, dia hita ho mamofompofona kajina tetezamita. Resaka fanadiovana ny tontolom-pifidianana hatreto no voizin’ireo herivelona maro fa tokony hanaovana izay fikaonandoha izay ankoatran’ny resaka fanorenana ifotony ny firenena. Iza intsony anefa izany no handray ny fehin-kevitra na volavolan-dalampanorenana vaovao eo rehefa rava ny rafitra aorian’ny fametram-pialan’ny filoham-pirenena? Mazava ho azy fa hiitatra ny fotoana fampandehanan-draharaha mandra-pahitan’ireo herivelona politika ny marimaritra iraisana amin’izay lalana vaovao tokony hizoran’ny firenena izay. Midika inona daholo itony fitsipaham-pitokisana sy resaka fangatahana fampiatoana ny filoham-pirenena amin’ny asany amin’izao itony? Samy manaraka akaiky ny rehetra.
J. Mirija
Mbola vao volana mey isika izao, saingy zava-doza ny fahatapatapahan'ny herinaratra,
Miteraka resabe amin’izao fotoana izao ny raharaha mikasika ny ben’ny tanànan’i Talata Volonondry
Misy zavatra hafahafa ihany amin’ny toe-draharaha politika eto amin’ny firenena tato ho ato izay.
Mitohy ny fihetsika hafahafa ataon'ny Filoham-pirenena izay tsapa sy tsikaritra
Nambara fa maro ny zavatra vita ao Nosy Be fa hapetraka ihany koa ny fanamby