tia tanindrazana

Parution du Vendredi, 20 Mai 2022

airtel

Politique

Rajoelina sy ny ekipany 13 taona nampitombo ny fahantran’ny Malagasy

Ny afokasoka 1 boaty avy no efa 500 ariary eny amina faritra maro amin'izao fotoana. Tsy fahita hatramin'izay fa mitranga amin'izao ny hoe misy olona mividy tsaramaso na voanjobory lena amin’ny kapoaka dia 800 hatramin'ny 1000 ariary ny kapoakan'ireo eny an-tsena.

13-mai-2022

Sample post image

Rehefa tsy ampy ny vola am-pelatanana dia tsy maintsy ny zavatra jifaina no ahena isan-tokantrano. Voakasik'io ny sakafo sy saran-dalana. Voatery mandeha an-tongotra misy fotoana. Maro ireo tsy mahaloa hofan-trano sy saram-pianarana araka ny tokony ho izy, mazava ho azy, fa voaroaka. Tsy vita intsony ny mitsabo tena, misy fanafody tsy taka-bidy, maro ny olona malaina hiditra hopitaly na dia efa izay aza no toromariky ny dokotera satria tsy manam-bola. Ny aza mba marary ihany fa tonga dia maty, hoy ny resaka any anaty fiarahamonina any.
TSY ARAKY NY NAMPANANTENAINA
Efa tena mihatra amin'ny ati-vilany sy miditra any an-tsoso-koditra ny fahantrana, tsy arakarak'ireny fampanantenana tamin'ny propagandy 2018 ireny. Etsy ankilan'izay anefa dia mieboebo ireo manam-pahefana fa hoe mahavita azy. Tsy mampiombona fa mampisaraka sy manambany ny mpitondra mialoha azy ireo fanambaran'ny filoha izay toa te hisora-tena hoe izy ihany no tena nahavita asa misongadina teto. Mahery fiteny ireo mpanao politika milaza ho mpanaradia ny filoham-pirenena. Manamaivana ilay fahasahiranam-bahoaka. Na ireo nifidy ny filoha aza dia misy iharan'ny antsojay ary tena velon-taraina. Miara-mahita ny maro fa manjavozavo ny resaka fitantanana eto. Vola efa ho 1 miliara dolara no azo tamin'ny ady atao amin'ny Covid 19 sy ny fiatrehana izany. Mampiahiahy ny fitsinjarana fanampiana. Maro no nahatsiaro ho niharan'ny tsy rariny. Olona manana fiara 4x4 pick up efa iaraha-mahalala eo an-tanana indray no mbola mahazo vary tsinjo, hoy ny fitarainan’ny mponina amina fokontany sasany. Mampalahelo ary mahatezitra ny fiarahamonina izany. Ny fiovaovana governemanta efa ho in'efatra tao anaty 3 taona dia toa manaporofo fa tsy nanana ekipa hitantana ny firenena i Andry Rajoelina hatrany am-boalohany fa tsy arak'ilay vavany hoe efa vonona ny zava-drehetra na famatsiam-bola, na tetikasa, na ireo mpiara-miasa. Isan'ny mahatsikaiky ny olona ary efa teha hihomehezana sisa dia mbola Marc Ravalomanana efa tsy filoham-pirenena intsony nanomboka ny taona 2009 no mbola henjehina sy hanalana vokona ary hanilihana ny rihitra isaky ny mihetsika. Maninona raha mba mijoro ho tena tompon’andraikitra?
TSY MAHAVITA AZY
Ahoana no hahatokisana moa rehefa fantatra hoe vadina minisitra anaty governemanta no filohan'ny CENI hikarakara fifidianana. Vadina mpiasa eo anivon'ny prezidansa ny mpikambana iray ao amin'ny HCC. Tsy mety tafavoaka ny diplaomasia malagasy. Tsy maharesy lahatra ireo mpiara-miombon'antoka sy mpamatsy vola i Madagasikara. Tohana ara-tsosialy sy tosika ho an'ny tetibolam-panjakana hampandehanan-draharaha no betsaka. Miampy fanampiana rehefa loza voajanahary fa tsy misy famatsiam-bola goavambe izany, tahaka izay nataon’ny firenena frantsay farany teo. Tsy mihoatra ny 500 tapitrisa dolara isan-taona. Izany rehetra izany ve tsy efa fambara mazava fa tsy vitan'i Andry Rajoelina sy ny Mapar ny mitantana ny firenena sy mampandroso azy? Anaty ady amin'ny fahantrana mbola sempotra i Madagasikara, manjavozavo anefa ilay “iny lalana iny” natao litania tamin'ny 2009. Anaty tonelina maizina hatrany. “Tsy izy intsony io”, “tsy mahavita azy ireo ..”, izany no antsoantso re etsy sy eroa. Sarotra ny mino fa hoe mbola hahavita fahagagana i Rajoelina sy ny Mapar, hoy ny faim-pianakana iray naneho hevitra satria efa nanomboka 2009 ireo no nahazo fahefana. Voasokajy ho iray tarika tamin'ny tetezamita TGV ihany ny fototry ny fitondrana HVM. 2022 isika izao. Moa tsy efa 13 taona izany? Toa miha mahantra ihany anefa ny Malagasy? Mahatofoka ny ankamaroan'ny malagasy na an-tanan-dehibe na any ambanivohitra ilay zava-misy iainany ka mahatonga azy tsy hahatoky intsony. Izany hoe raha fehezina dia izay vao nisy izay harinkarena miiba na -7,1% izany ary 13 taona koa izany izay ny fitondrana Rajoelina no nampitombo ny fahantran’ny Malagasy.
J. Mirija
 

Dans la même rubrique

Card image cap
Politika Ataon-dRavalo manonofy ratsy ny mpitondra
20-mai-2022

Manahiran-tsaina tanteraka sy tena mampanofy ratsy ny Fanjakana ankehitriny Atoa Marc Ravalomanana, izay atahorana mafy ara-politika. Arakaraka ny hihetraketrahana azy no toa vao mainka mampahazo vahana azy.

Card image cap
Fiainam-pirenena Mampiahiahy ny fahanginan’ny Praiminisitra
20-mai-2022

Mangingina tsy re feo firy indray ny Praiminisitra Lehiben’ny governemanta Ntsay Christian. Tsy dia hita tabilao firy, ary efa matetika io.

Card image cap
Gazety boky Demokrasia laharana faha 13 “Nihemotra ny demokrasia eto Madagasikara”
20-mai-2022

Nivoaka omaly ny gazety boky Demokrasia laharana faha 13 izay famoakan’ny filankevitra ambony momba ny fiarovana ny demokrasia sy tany tan-dalana na HCDDED isan-telo volana.

Card image cap
HCDDED “Zavatra tsy ampoizina no maharava fitondrana”
20-mai-2022

Isany voaresaka ato amin’ny laharana faha 13 amin’ny gazety boky Demokrasia izay navoakanay, hoy ny filankevitra ambony momba ny fiarovana ny demokrasia sy ny fanjakana tan-dalana na HCDDED tetsy amin’ny biraon’izy ireo

Card image cap
Fikambanana Tambohobe “Aoka samy hitandrina fa mandady ny trambo”
20-mai-2022

Mampahatsiahy ny 20 taona dia ny 2002 izay fotoana nampamaivay ny raharaham-pirenena teto amin’ny tany sy ny fanjakana ankehitriny, hoy ny filoha mpanorina ny fikambanana Tambohobe,

Card image cap
Fitondrana tsy misy hatokona Mety aminy kokoa ny manaja tena
20-mai-2022

Herintaona sy tapany sisa hananan’ny Fitondrana Rajoelina hanatanterahany ny veliranony, hanentsenana ny lavaky ny tsy fahaiza-mitantana. Ho sarotra izany, raha tarafina amin’ny fomba fiasa hatramin’izay.

Voir plus